Home Estilo Louis Vuitton a expande su Boutique na Renaissance Mall

Louis Vuitton a expande su Boutique na Renaissance Mall

4
0
SHARE
- Advertisement -

lvbottomOranjestad, 16 di April 2009– Na aña 2007 Aruba a sera conoci cu e compania renombra, Louis Vuitton situa den Renaissance Mall. Louis Vuitton a sa di brinda su clientenan productonan di calidad. Y awe nos por mira cu Louis Vuitton a sa di sigui crece den nos comunidad.

Louis Vuitton a expande su espacio cu e tin na Renaissance Mall pa asina nan por ofrece nan clientelenan mas variedad den na productonan. Pa cu esaki nos por mira cu Louis Vuitton tin coleccion nobo pa e ser femenino y masculino, mihor conoci como nan “Ready to wear collection”. Tambe nan a lansa oficialmente nan luhoso coleccion di holoshi.
Pa e temporada aki tambe, e acesorionan no ta keda afor. Louis Vuitton tin e coleccion amplio di acesorionan cu bo por combina cu cualquier bistir di e marca Louis Vuitton.

Sin lubida riba nan variedad grandi di tasnan di nan imprenta clasico Monogram, te pa e coleccion cu disenjonan di e artista Sprouse pa e ultimo cu ta e modelonan di e tas cu Madonna ta desfila pa e marca luhoso aki.
Durante un evento bon atendi pa fiel clientenan di Louis Vuitton, a haci presentacion di nan linja di panja y holoshi. Esnan cu a atende na e evento aki a keda impresiona di nan linja di panja “Ready to wear” y sin lubida nan linja di holoshinan.
En corto, Louis Vuitton ta un tienda di clase aparte dunando su clientelanan lo mihor den productonan traha cu hopi dedicacion te den luho y detaye pa ta perfecto. Nan ta situa den Renaissance Mall, pasa bishita e bunita tienda of jama na 588-0209 pa mas informacion.

- Advertisement -

DUNA COMENTARIO

Please enter your comment!
Please enter your name here