Home Policial 19 detencion total y armanan cu cosnan horta confisca

19 detencion total y armanan cu cosnan horta confisca

6
0
SHARE
- Advertisement -

ORANJESTAD(AAN):—E detencionnan cu a cay mainta no tabata un sorpresa pa autoridad. E grupo cu a keda deteni ta net un grupo cu tabata wordo vigila masha dia caba pa nan accionan di ladronicia desmantelando autonan.

Hopi caso tabata tin registra y recherche tabata siguiendo e grupo aki di cerca pero kier a pone man riba nan na e momento oportuno pa asina tin un cos completo.

Cu e caso di tiramento na Noord e ekipo di polis a haya nan mes obliga di move rapidamente pa cuminsa haci mas detencion y drenta casnan.

Un total di 14 detencion a cay después di e prome cinconan di mainta. Esey a suma un cantidad di 19 hende cu ta tras di trali como sospechoso.

Adresnan bishita ta mas cu diez mientras cu a haya den e accionan aki un cantidad di arma di candela un biaha mas y un cantidad di cos horta.

Na Cashero caminda un di esnan haya cu arma ta biba a haya un garashi yena cu pieza di Toyota di cual un di nan recien a wordo horta y desmantela.

Asina e accionan a sigui unda na Rooi Bosal tambe a confisca basta cos. Den e accion na Rooi Bosal a haya piezanan di auto y brommer.

Na Macuarima a haci casi diez detencion na mas cu un adres. Team di Aresto a drenta e casnan aki y pone tur hende bai plat. A bai cu tur esnan deteni warda.

Ta trata di grupo di edad basta hoben y kizas algun di nan después di interrogación por ser laga den libertad depende nan rol den henter e casonan cu ta ser investiga.

Na Sero Patrishi tambe e team di aresto a kibra porta drenta y haci un detencion. Aki e homber a ser hiba warda mientras cu e muher cu e yiu después tambe a ser hiba warda pa e patruya mes.

Den Olijfistraat polis a drenta cas robez. Despues cu algun miembro di RST a drenta e cas robez den Olijfistraat nan a bai na e cas corecto unda un di e sospechosonan deteni mainta ta frecuenta.

Aki tabata tin basta pieza di auto cual parce tambe tabata ser busca. A listra pa arma tambe. E homber deteni parce ta biba cu e muher doño di e cas.

E biaha aki polis tabata buscando e muher tambe pa habri porta pero no tabata necesario pasobra polis tabata acompaña pa fiscal cu a duna nan e autoridad pa drenta. Asina polis lo tin basta trabao e dianan aki pa por caba di cera e grupo di ladron di auto.

Awor mester warda pa mira kendenan ta e cumpradornan di e piezanan di auto. Aki tambe lo por bin sorpresa.

Na algun di e adresnan aki mester a haci uso di truck pa por a hiba tur cos horta cu a ser haya y confisca. Pabien na cuerpo policial cu nan bon trabao y keda pendiente pa mas pasobra DIARIO lo tey…

- Advertisement -

DUNA COMENTARIO

Please enter your comment!
Please enter your name here