Home Estilo Exitoso presentacion di VIPAP

Exitoso presentacion di VIPAP

4
0
SHARE
- Advertisement -

VIPAP_KASORANJESTAD(AAN): Diahuebs 14 di mei anochi na Radisson Resort Aruba , e compania di inovativo di construccion, VIPAP, a hasi su introduccion y presentacion na Aruba, cu un asistencia sumamente remarkable, ya cu a ricibi hopi mas persona cu lokual a ser spera.

Un grupo impresionante di Ingeniero, Arquitecto, Contratista, Inversionista, varios compania di y Real Estate y Prensa a ricibi muestra y informacion di e sistema “ Patenta” di construccion VIPAP. Presente tambe tabata varios Parlamentario, alto funcionarionan di obras publicas y directiva di Banconan local.

ECONOMICO, RAPIDO Y EFICIENTE

VIPAP ta un sistema di construccion cu ta rebaha e costonan cu 30 porciento den material y di e tempo cu bo ta spaar den construi bo cas of edificio. Manera e palabra mes ta bisa, PATENTED, es decir cu ta un sistema unico cu a ser inventa, pa asina crea un alivio di costo, especialmente den construccion di casnan popular di vivienda, y tambe den residencianan priva y edificionan te cu ocho piso. Un sistema cu diseno structural di bloki, cu un prisma cellular: E ta stabil y indeformable. E concepto di VIPAP ta e resultado di e necesidad pa construi edificionan di diferente tipo den un manera mas economico , rapido y eficiente, manteniendo e costo di contruccion mas abou posible y utilisando un tecnologia facil di adapta.

CARACTERISTICA NAN DI VIPAP

E murayanan di sistema VIPAP ta componi di “ vertical joints “ entre blokinan traha di concreto, un tranformacion di proceso cu ta mantene e structura di e muraya intacto. Un blokki ‘ hol ‘ pero cu e gran diferencia den forma di construi, ya cu e ta bai den serie ‘continuo’ ,sin necesidad di kibra e blokki despues pa pasa tuberia y cables. A diferencia di cualkier blokki, VIPAP su blokkinan ta forma parti di un sistema constructivo cu ta liga, bai adhunto cu e diseno di e edificio of vivienda, cumpliendo cu funcionnan di encofrado, distribucion di espacio y ducteria. VIPAP ta un patente aproba na mas di 17 pais rond mundo entre nan Espanja, Brazil, Mexico, Haiti, Republica Dominicana, Panama, Nicaragua, Bolivia,Ecuador, Peru, Colombia , Estados Unidos y Venezuela.

STABILIDAD VS. RESISTENCIA

VIPAP ta ofrece contruccion Rapido- costonan Minimo- desperdicio minimo di Material.

Disenjo flexible cu cual bo por construi cualquier edificio of proyecto cu bo ta desea. Produccion illimitable, mirando cu e material y tecnologia pa produccion ta sumamente basico, y no ta rekeri obra di man professional. VIPAP ta duna bo compania e asistencia tecnico necesario pa implementa e sistema den bo propio trahadornan. Es decir tur labor ta ser hasi pa tur Arubanio , creando asina mas labor den nos comunidad.

Tur esnan presente na e presentacion di VIPAP por a admira varios proyecto nan urbano,publico, turistico y priva cu e compania a realisa. Poyectonan di mas di 700 cas, y edificionan . Na final a tene un cocktail ameno den cual e ingeniero y arquitectonan a duna mas informacion personalmente na varios grupo cu tabata interesa.

Pa mas informacion of si ta desea di ricibi e ‘ folder di informacion VIPAP’ por tuma contacto cu George Arends of Evelin di VIPAP Sistema Constructivo na Tel. 588- 9765 / Cel. 560-7256 / 593- 9802. Por e-mail nos na: ewever@billionairesmedia.com

- Advertisement -

DUNA COMENTARIO

Please enter your comment!
Please enter your name here