Archivo di June, 2009

Alarma di “Swine Flu” na school di Kudawecha

Publication: Thursday, 25 June 2009. Categoria: General

ORANJESTAD (AAN): Na e school nobo na Kudawecha tin alarma e momentonan aki pa casonan di Swine Flu. Segun informacion cu DIARIO tin ta bisa cu un studiante a keda confirma cu Swine Flu. El a pega esaki door di su omo cu tambe tabata confirma.

Tin hende cu ta haci wega y no ta tuma e asunto aki na serio. E caso aki mes ta uno. E omo a pega su sobrino. E omo pa colmo tabata hopi arogante y ora cu e tabata malo el a presenta na e centro di diagnostico unda a constata cu e tin keintura. Esnan di Salubridad Publico a muste riba e peliger mirando cu tabata duna indicacion hopi cla cu e ta malo.

Gabinete Oduber a konkel fiansa di placa

Publication: Tuesday, 23 June 2009. Categoria: General,Politica

Un caso cu ta surgi awor cu bukinan ta habriendo ta un fianza externo cu Gabinete Oduber a haci na 2004 caminda a konkel cu e structura pa lague pasa como un fianza lokal evita cu mester a haya aprobacion di Conseho di reino.

Rond di 2004 Conseho di Minister di Reino a cuminsa alarma cu e forma con Gabinete Oduber tabata duplicando debe di pais Aruba y a cuminsa scrutina finazanan externo di Aruba. Na e momento ey Gabinete Oduber y Minister Nilo Swaen y Promer Minister Nel Oduber a dicidi di bai orcestra un formula pa sigui fia placa den un forma cu no mester haya autorisacion di Conseho di Reino maske Statuut ta stipula esaki.

Gobierno kier pasa un ley pa por cuminsa parti permiso di casino pa loco

Publication: Monday, 22 June 2009. Categoria: General,Politica

ORANJESTAD (AAN): Net prome cu eleccion na September proximo, Gobierno ta haciendo todo por todo pa pasa un ley den Parlamento den cual ta cambia e forma cu ta duna permiso pa opera casinonan, etc.

Ya algun luna pasa caba tabatin un persona liga na e Gobierno aki cu tabata cana cu un carta den su man indicando cu e lo haya un permiso pa opera casino. Esaki contra tur ley, pasobra manera tur hende sa, pa haya permiso pa un casino e mester ta mara na un hotel cu tin mas cu cierto cantidad di cambernan. Esaki ta pa sigura cu ta habri casino solamente den hotelnan grandi y cu tin suficiente camber pa por mercadea e casino den dje.

Tin un homber Arubiano cu tin dos casa simultaneamente

Publication: Thursday, 18 June 2009. Categoria: General

ORANJESTAD (AAN): Bigamia ta un acto castigable, cu ta referi ora un persona ta drenta den mas cu un enlace matrimonial, ademas di uno cu ta reconoci legalmente. Hopi pais tin ley cu ta prohibi bigamia, considerando esaki como un crimen.

Ley Hulandes tambe ta cay pisa riba Bigamia, unda un persona cu comete e acto aki, y casa cu dos persona pareu, ta core riesgo di haya un castigo di prison te cu 6 aña! Tin indicacion fuerte awor, cu na Aruba tin un persona local kende ta cometiendo bigamia.

“Swine Flu” lo yega Aruba den barco crusero

Publication: Wednesday, 17 June 2009. Categoria: General

ORANJESTAD (AAN): Awor cu tin un situacion mundial di pandemia pa loke ta “Swine Flu”, cualkier persona cu ta sospechoso di tin e virus aki mester por worde bon controla. Ta asina cu a ser confirma cu tin un grupo di atleta arubiano wardando resultado di nan test, ya cu nan a bay Trinidad & Tobago pa un practica di deporte y tin e posibilidad cu ayanan nan lo por a keda contamina cu e virus AH1N1.

Scanmachine nobo pa douane na Aeropuerto

Publication: Tuesday, 16 June 2009. Categoria: General

ORANJESTAD (AAN): Douane seccion di Aeropuerto a haya dos scanmachine nobo. E scan machinenan aki ta worde usa pa scan e maletanan di e pasaheronan cu ta yega for di exterior y muy imparticular e maletanan cu ta yega cu e vuelonan cu ta “high risk”.

Tur e douaneronan cu ta laborando na Aeropuerto a haya un training pa’sina haya conocemento di e funcionamento di e machinenan nobo aki, mas tanto riba kico nan tin cu tene cuenta cu’ne ora di scan.

Elio Lopez di 32 aña a muri diadomingo atardi na Colombia

Publication: Monday, 15 June 2009. Categoria: General

ORANJESTAD(AAN): Diabierna ainda DIARIO a asisti un conferencia di prensa unda famia a cuminsa haci preparacion pa un radio telethon pa haya fondo pa por sigui paga tratamento di Elio Lopez. Elio Lopez ta e persona cu mas peso na Aruba.

Mirando cierto complicacion a pone cu el a bay purba busca su salud na Colombia. Elio Lopez a haci operacion di stoma cual a bay hopi bon. Asina mes Elio a haya algun complicacion cual motibo el a bay den coma.

Comunidad Portugues a celebra nan dia nacional

Publication: Thursday, 11 June 2009. Categoria: General

ORANJESTAD (AAN): Ayeramainta na Wilhelmina Park e comunidad Portugues radica na Aruba a tene un ceremonia di ponemento di krans pa asina celebra nan dia nacional.

A conmemora 42 aña di e celebracion aki y pa cu esaki tabata tin presencia di Prome Minister Nel Oduber, Parlamentarionan y invitadonan special.

E celebracion lo continua Diasabra awor na Club Portugues ubica na Primavera.

Pa motibo di huur Cayman a hinca taxista den Pos Chikito

Publication: Wednesday, 10 June 2009. Categoria: Policial

ORANJESTAD(AAN): Diamars anochi polis y Recherche di San Nicolas a pone man riba e conocido di husticia, M. Pieters naci na April 1960 y conoci como Cayman.

E homber aki den oranan di atardi a hinca un Taxista y tur esaki pa motibo di asunto di huur y coriente cu a worde corta. Polis primeramente a ser manda cu urgencia na e adres na Pos Chikito cerca di un restaurant. Ora cu polis a yega nan a topa cu un persona den veranda di cas cu corta na man y tambe na pia.

Mr dr. Mito Croes a haya un total 18 mil voto pa eleccion di Parlamento Europeo

Publication: Tuesday, 9 June 2009. Categoria: Politica

ORANJESTAD(AAN): — For di Hulanda e noticia a drenta cu e candidato Arubiano riba lista di CDA a logra un total di 18 mil voto pa e eleccion di Parlamento Europeo. Esaki ta nifica cu na Hulanda Mito Croes a haya 4 mil voto cu ta algo hopi alentador. Den cada gemeente na Hulanda Mito Croes a haya voto, mientras cu e ta un candidato nobo. Pesey mes un pabien grandi na mr dr.Mito Croes, kende a logra esaki.

Durante conferencia di prensa di partido AVP lider di partido a manda un pabien grandi y di curazon na tur esnan cu a traha duro pa e campaña di Mito Croes. E pueblo di Aruba a sa di respalda nan yiu di tera.

Investigacion grandi andando pa supuesto manipulacion cu tereno den Colony

Publication: Monday, 8 June 2009. Categoria: Policial

ORANJESTAD (AAN): E forma cu a bende cierto tereno of casnan den Colony na Sero Colorado tabata bisto cu esaki lo worde cuestiona totalmente. Hendenan cu nunca a bin biba den Colony tabata haya cas pa cumpra.

Den cierto caso te hasta cumpra cas y terenonan na prijs regala. Ainda por corda con un ex parlamentario mes tabata tin e suerte ey unda prácticamente regala el a haya tereno. Parce cu awor landsrecherche lo a cuminsa cu un investigación y aki tambe e minister lo ta spanta.

Botonan di Aruba “Glamar” y “Maina” confisca na Venezuela

Publication: Saturday, 6 June 2009. Categoria: Policial

ORANJESTAD(AAN):—E dos botonan di Aruba “Glamar” y “Maina” keto bai ta den man di autoridad Venezolano. Mientrastanto e cuater sospechosonan tambe ta tras di trali.

Autoridad venezolano a capta tres boto. Un di nan a logra huy cu velocidad halto pero e otro dosnan di Aruba si no tabata tin mesun suerte. A listra e boto pa droga pero no a haya droga.

E boto Glamar tabata tin e hombernan Andre Ramirez di nacionalidad Hulandes di 20 aña obrero na Aruba biba den Noord mientras e otro ta Sygmar Richard Clemencia di 35 aña trahando como arkitecto y biba den Tarabana den Appelsinastraat.

13270 pa Mito Croes y 1155 pa Nadya van Putten

Publication: Friday, 5 June 2009. Categoria: Politica

ORANJESTAD (AAN): E fiebre di campaña pa eleccion di Parlamento Europeo tabata hopi grandi na Aruba. Henter dia por a tende hopi comentario rond di e eleccion.

VNO durante un bishita cu DIARIO a haci diahuebs atardi a laga sa cu diabierna mainta nan lo duna resultado di e eleccion. Esey a cambia pasobra mesun diahuebs anochi nan a yama un conferencia di prensa.

Presente tabata tey Gerrit Bodde cu ta e persona na cabez di e stemburo na Aruba y banda di dje Rob Vermaas director interino di VNO tabata compañe.

Trahadornan di ambulance cu cuater ora maratonico di reunion cu minister

Publication: Thursday, 4 June 2009. Categoria: General

ORANJESTAD(AAN): Un reunion cu pa hopi tempo tabata haci falta a tuma lugar diaranzon atardi na centro medico na San Nicolas. E trahadornan di ambulance pa algun tempo tabata tin diferente keho y cada biaha e tension tabata bira mas grandi.

Awor e problemanan aki ta wardando riba un solucion. Un solucion cu mester tuma lugar den un lapso di dos luna di tempo. E trabao di e personal riba ambulance ta uno cu ta rekeri hopi atencion y trankilidad mental y trankilidad laboral.

Chines di Kong Fui ta promove esclavitud moderno na Aruba

Publication: Wednesday, 3 June 2009. Categoria: General

ORANJESTAD (AAN): Na Aruba ta increible cu tin hende ta purba promove esclavitud moderno. Diamars atardi empleadonan di Warda nos Costa, esnan di Departamento di Labor y DIMAS a presenta na Plam Beach unda doñonan di Kong Fui ta trahando un mega edificio.

Pa hopi tempo a tende cu ta puro chines tin trahando eynan. Te hasta tin un local cu tabata traha riba e crane cu a ser kita for di trabao y a bay corte parce y a gana su caso tambe pero te awe e chines no a page su placa.

Loke cu DIARIO a mira ayera no ta forma di biba pa un ser humano. Esnan cu ta hefe na Departamento di Labor parce a firma pa e chinesnan aki bin traha na Aruba.