Home General “Swine Flu” lo yega Aruba den barco crusero

“Swine Flu” lo yega Aruba den barco crusero

5
0
SHARE
- Advertisement -

ORANJESTAD (AAN): Awor cu tin un situacion mundial di pandemia pa loke ta “Swine Flu”, cualkier persona cu ta sospechoso di tin e virus aki mester por worde bon controla. Ta asina cu a ser confirma cu tin un grupo di atleta arubiano wardando resultado di nan test, ya cu nan a bay Trinidad & Tobago pa un practica di deporte y tin e posibilidad cu ayanan nan lo por a keda contamina cu e virus AH1N1.

Ta trata akinan di un grupo di hoben entre 5 pa 15 persona for di cual a tuma un “Swap”, muestra di nan saliva, pa determina si nan ta contagia. Awor, pa colmo, mientras Departamento di Salud Publico ta pendiente di e resultado, tin informenan cu ta hacie e situacion mas serio ainda ya cu tur cos ta mustra cu pa Diabierna, lo ta yegando Aruba e barco crusero “Ocean Dream” di e compania Pullmantur y cu den e barco tin 43 tripulante sospechoso di ta infecta cu AH1N1, esta “Swine Flu”.

“Ocean Dream” ta un crusero cu tin Aruba como su “home-port” caminda semanalmente e ta sali cu pasaheronan arubiano abordo.

Parce cu e instancianan concerni ya caba ta na altura di esaki y ta di spera cu mas pronto posible activa e asina yama “border control alarm” pa loke ta entrada di turistanan via di barconan cu ta yega Aruba.

Si ta asina cu e barco aki lo yega waf di Aruba, manera semper, Diabierna awor, e ora ey lo mester pone esnan sospechoso di tin e virus AH1N1 bao cuarentena pa asina evita mas contagio.

Mas conveniente lo ta pa no laga ni un hende baha for di e barco, ya cu por ta tin hende cu aworaki no ta mustra e sintomanan pero ta contagia caba.

Fuera di esey, nos a haya confirmacion cu na St. Maarten tin e prome caso di Swine Flu. Tambe Curaçao tin rumornan relaciona cu casonan di e griep aki.

E epidemiologo Izzy Gertzenbluth di GGD Corsow a duna di conoce ayera cu tin un caso cu pa precaucion a ser manda afo pa investigacion pero te cu awe no por confirma si esey ta positivo of no. E sospecho relaciona cu e caso aki no tabata mucho fuerte, segun Gertzenbluth.

Na Suriname, ya caba e registra 11 caso y ta trata akinan di e seleccion nacional di volleyball cu a regresa for di Trinidad & Tobago caminda, manera nos a menciona tabata tin competencianan internacional y na unda Aruba tambe a participa.

Banda di esaki mester agrega cu tin rumor tambe ta core cu na Dr. Horacio Oduber Hospital tin un hende hopi malo cu griep, locual ta algo cu prome cu nos ciere di edicion no por a confirma.

- Advertisement -

DUNA COMENTARIO

Please enter your comment!
Please enter your name here