Home Politica 13270 pa Mito Croes y 1155 pa Nadya van Putten

13270 pa Mito Croes y 1155 pa Nadya van Putten

2
0
SHARE
- Advertisement -

ORANJESTAD (AAN): E fiebre di campaña pa eleccion di Parlamento Europeo tabata hopi grandi na Aruba. Henter dia por a tende hopi comentario rond di e eleccion.

VNO durante un bishita cu DIARIO a haci diahuebs atardi a laga sa cu diabierna mainta nan lo duna resultado di e eleccion. Esey a cambia pasobra mesun diahuebs anochi nan a yama un conferencia di prensa.

Presente tabata tey Gerrit Bodde cu ta e persona na cabez di e stemburo na Aruba y banda di dje Rob Vermaas director interino di VNO tabata compañe.

Un total di 14706 envelope a yega na VNO di cual un total di 147 di e votonan tabata invalido of sea votonan blanco.

Di e resto di votonan cu ta 14559 tabata tin 13270 voto cu a bay pa dr Mito Croes number 11 riba e lista di CDA y 1155 voto pa Nadya van Putten number 5 riba e lista di Groenlinks.

Ainda a keda 134 voto cual na Aruba e hendenan aki a vota pa otro candidatonan riba e listanan cu tin.

Diahuebs otro siman e resultado individual na Hulanda lo bira conoci. E resultado di Curacao ainda no a drenta te cu ayeranochi.

- Advertisement -

DUNA COMENTARIO

Please enter your comment!
Please enter your name here