Home General Alarma di “Swine Flu” na school di Kudawecha

Alarma di “Swine Flu” na school di Kudawecha

13
0
SHARE
- Advertisement -

ORANJESTAD (AAN): Na e school nobo na Kudawecha tin alarma e momentonan aki pa casonan di Swine Flu. Segun informacion cu DIARIO tin ta bisa cu un studiante a keda confirma cu Swine Flu. El a pega esaki door di su omo cu tambe tabata confirma.

Tin hende cu ta haci wega y no ta tuma e asunto aki na serio. E caso aki mes ta uno. E omo a pega su sobrino. E omo pa colmo tabata hopi arogante y ora cu e tabata malo el a presenta na e centro di diagnostico unda a constata cu e tin keintura. Esnan di Salubridad Publico a muste riba e peliger mirando cu tabata duna indicacion hopi cla cu e ta malo.

Su test a ser manda y a pidie pa evita di sali y tin contacto cu hende. Te hasta a dune un mask cual el a benta esaki masha rabia den e centro di diagnostico mes.

Despues durante dia ora cu e prome test na Aruba a cuminsa duna indicacion di e seriedad di su cas, a yame na su cas. El a contesta pero e tabata sina fresco cu el a sera telefon den orea di esnan di salubridad publico.

Den un situación asina mester a yama polis pasobra un hende asina no por sali riba caya concientemente. El a bisa nan prome cu el a sera e telefon cu e mester bay sali y no tin tempo pa bin cerca nan.

Ta net e persona aki tabata pesta cu griep di porco. Despues cu a haya confirmacion di Hulanda a bise pero ya caba el a cana rond tur caminda. Pa su mal comportacion cu e malesa a pone cu mester a test casi 20 hende mas di cual dos a resulta positivo.

Den e dosnan su mesun sobrino el a pega cu e griep di porco. Si el a cuida su curpa manera salubridad publico a pidie e cos aki lo no a sosode. Awor su sobrino inocente ta bay e school na Kudawecha y pesey mester a bati alarma mesora na e school.

Parce cu a cuminsa yama e mayornan pa notificanan riba loke a presenta. E situación aki por tin un rabo mas largo pasobra e criatura aki inocentemente por a pega hende tambe cu e griep aki.

Den futuro ora cu esnan di Salubridad Publico pidi un persona pa keda cas y cuida su griep ta importante pa e tende pa evita cu e por causa daño na otronan inocente. E departamento di Salubridad Publico ta kere cu nan tin esnan cu tabata den contacto totalmente bao control.

- Advertisement -

DUNA COMENTARIO

Please enter your comment!
Please enter your name here