Home General Chines di Kong Fui ta promove esclavitud moderno na Aruba

Chines di Kong Fui ta promove esclavitud moderno na Aruba

14
0
SHARE
- Advertisement -

ORANJESTAD (AAN): Na Aruba ta increible cu tin hende ta purba promove esclavitud moderno. Diamars atardi empleadonan di Warda nos Costa, esnan di Departamento di Labor y DIMAS a presenta na Plam Beach unda doñonan di Kong Fui ta trahando un mega edificio.

Pa hopi tempo a tende cu ta puro chines tin trahando eynan. Te hasta tin un local cu tabata traha riba e crane cu a ser kita for di trabao y a bay corte parce y a gana su caso tambe pero te awe e chines no a page su placa.

Loke cu DIARIO a mira ayera no ta forma di biba pa un ser humano. Esnan cu ta hefe na Departamento di Labor parce a firma pa e chinesnan aki bin traha na Aruba.

Según e doño di Kong Fui ta e 14 chinesnan mes kier biba asina. Asina mes Palm Beach no ta e adres unda cu a firma pa nan. E chines kiermen cu ta na Mei Veld nan ta registra pero mirando cu nan ta mas cerca di trabao eynan a pone cu nan ta prefera keda biba eynan.

Di ningun forma por comunica cu e chinesnan aki. E pregunta ta si nan tin salario mes. Ora cu a yega na e adres a tuma nota cu den un baki di pickup tabata tin tres wea cu cuminda. Esaki ta loke e chines a trece pa e trahadornan cu ta trahando su mega edificio.

E chines di Kong Fui a splica tambe cu ta un contrato e tin cu un compania chines unda el a order tur su material y hero y e mesun compania a manda e chinesnan pa bin arma tur cos na Palm Beach.

Pabao di e edificio den construccion tin un cas cual tur 14 chines ta bibando. E lugar no tin un lugar drechi pa baña. E wc ta hopi sushi, no tin plafond, no tin douche, no tin tegel den e lugar, cama traha di palo con cu ta, waya peligroso ta core tur caminda y asina por sigui menciona.

Pafor e chinesnan ta come riba algun palet cu tin. Tin varios caha di juice tin tambe cual tur juice a expire desde Maart caba. Despues cu Warda nos Costa, Departamento di Labor y DIMAS a mira tur loke tabata tin na e cas y e forma di biba di e chinesnan nan a continua.

Awor ta spera cu un instancia cu si tin mas autoridad por atende cu e forma inhumano aki di biba. Na Aruba esaki no ta aceptable. Aruba mes por mira con ta promove esclavitud moderno.

- Advertisement -

DUNA COMENTARIO

Please enter your comment!
Please enter your name here