Home General Elio Lopez di 32 aña a muri diadomingo atardi na Colombia

Elio Lopez di 32 aña a muri diadomingo atardi na Colombia

5
0
SHARE
- Advertisement -

ORANJESTAD(AAN): Diabierna ainda DIARIO a asisti un conferencia di prensa unda famia a cuminsa haci preparacion pa un radio telethon pa haya fondo pa por sigui paga tratamento di Elio Lopez. Elio Lopez ta e persona cu mas peso na Aruba.

Mirando cierto complicacion a pone cu el a bay purba busca su salud na Colombia. Elio Lopez a haci operacion di stoma cual a bay hopi bon. Asina mes Elio a haya algun complicacion cual motibo el a bay den coma.

Famia a haya nan den un debe grandi pasobra e costonan di clinica tabata hopi halto. Mientras cu famia tabata busca fondo Elio Lopez tabata lucha entre bida y morto. Net prome cu fin di siman Elio a haya dos atake di curazon. Esey a haci su condicion di salud mas critico.

Docter na dado momento a notifica e famia cu nan no por haci nada mas pa Elio su salud. Elio su mama ta cune na Cartagena for di prome momento.

Un ruman a cuminsa haci tramite pa bandona Aruba y bay duna sosten na su mama y mira su ruman. Kier a purba trece Aruba.

Diadomingo atardi den careda di 6or net na momento cu e ruman di Elio tabata na aeropuerto pa sali pa Colombia a drenta informacion cu Elio a fayece. E mama di Elio mes a yama duna e noticia tristo.

Esaki tabata un dolor fuerte pasobra e fe tabata grandi y na Aruba hopi tabata resa pa salud di Elio cu a fayece cu 32 aña. Paz na su restonan y hopi forza na e famia. Buitenlandse Betrekking parce a worde avisa caba di e situAcion prome cu Elio a muri pa asina nan yuda si lo peor sosode.

Na famia di e fayecido, palabranan di condolencia.

- Advertisement -

DUNA COMENTARIO

Please enter your comment!
Please enter your name here