Home Policial Investigacion grandi andando pa supuesto manipulacion cu tereno den Colony

Investigacion grandi andando pa supuesto manipulacion cu tereno den Colony

2
0
SHARE
- Advertisement -

ORANJESTAD (AAN): E forma cu a bende cierto tereno of casnan den Colony na Sero Colorado tabata bisto cu esaki lo worde cuestiona totalmente. Hendenan cu nunca a bin biba den Colony tabata haya cas pa cumpra.

Den cierto caso te hasta cumpra cas y terenonan na prijs regala. Ainda por corda con un ex parlamentario mes tabata tin e suerte ey unda prácticamente regala el a haya tereno. Parce cu awor landsrecherche lo a cuminsa cu un investigación y aki tambe e minister lo ta spanta.

E minister lo por sa of a tende caba kico ta andando e momentonan aki y a cuminsa move pa evita cu su nomber por aparece den cualkier un di e problemanan cu por presenta.

Te hasta lo tin hende cu a worde acerca pa lands recherche cu a notifica personalmente e minister y na prome instante su actitud tabata di un hende hopi arogante.

Aunke esey no ta nada straño pa un hende cu a drenta saco bashi den como gobernante y awe sea riba su nomber of no a logra enriquece su mes totalmente. Si e minister aki ta sincero e lo a habri carta riba mesa y mustra e pueblo cu kico el a drenta y kico e tin awe.

Awor nos lo keda pendiente pa mira unda e manipulación cu tereno y investigación lo termina. E caso aki tin di haber tambe directamente cu e cierto trahador na DIP cual investigación ta riba nan tambe.

Aunke ta menciona di algun bishita haci caba na cierto cas di un of mas trahador di DIP, ainda oficialmente no a haya confirmacion riba esaki. Lands Recherche su investigación ta sigui.

- Advertisement -

DUNA COMENTARIO

Please enter your comment!
Please enter your name here