Home Politica Mr dr. Mito Croes a haya un total 18 mil voto pa...

Mr dr. Mito Croes a haya un total 18 mil voto pa eleccion di Parlamento Europeo

3
0
SHARE
- Advertisement -

ORANJESTAD(AAN): — For di Hulanda e noticia a drenta cu e candidato Arubiano riba lista di CDA a logra un total di 18 mil voto pa e eleccion di Parlamento Europeo. Esaki ta nifica cu na Hulanda Mito Croes a haya 4 mil voto cu ta algo hopi alentador. Den cada gemeente na Hulanda Mito Croes a haya voto, mientras cu e ta un candidato nobo. Pesey mes un pabien grandi na mr dr.Mito Croes, kende a logra esaki.

Durante conferencia di prensa di partido AVP lider di partido a manda un pabien grandi y di curazon na tur esnan cu a traha duro pa e campaña di Mito Croes. E pueblo di Aruba a sa di respalda nan yiu di tera.

Loke ta un hecho tambe ta cu tin mas candidato riba e lista di CDA cu no ta den e prome cinco nan cu a haya miles di voto riba nan nomber.

Si e 18 mil votonan di Mito Croes ta suficiente pa e drenta Parlamento Europeo lo haya sa diahuebs awor ora cu e kiesdeler ta conoci y tambe e cantidad di voto preferencial cu ta necesario.

E hecho cu Mito Croes a logra e cantidad grandi di 18 mil voto ta algo unico y lo bai tambe den historia como un logro grandi di un pueblo henter pa su yiu di tera.

E esfuerzonan haci a duna nan fruto y nos aki na Aruba por ta satisfecho cu e votonan aki. Asina mes no por keda sin menciona cu si cosnan a cana manera mester ta Mito Croes lo a logra e votonan preferencial aki y hopi mas sin ningun problema.

Aki na Aruba un cantidad grandisimo di hende NO a haya nan carchi di voto, esaki aunke cu nan a registra debidamente. Tabatin hopi caso di hende cu e registra, a haya un carta den cua ta wordo bisa nan cu nan registracion tabata corecto y hasta nan a haya un number pa por vota, pero ningun dia a ricibi nan carchi di voto.

Pa e hendenan aki VNOA mester a busca un solucion, pasobra e hechonan a papia pa nan mes, pero VNOA no tabatin e creatividad pa yuda e hendenan aki. Lamentablemente tin hopi cos a bai robes y na DIARIO mes tambe hendenan a yama pa informa cu nan no a haya nan papel di vota, mientras cu nan a registra cu identificacion valido.

E 18 mil votonan di Mito tey y lo keda tras di su nomber pa semper. Sin duda un logro grandi. Aruba y su hendenan a saca nan cara. Un biaha mas pabien na mr dr.Mito Croes.

- Advertisement -

DUNA COMENTARIO

Please enter your comment!
Please enter your name here