Home Policial Pa motibo di huur Cayman a hinca taxista den Pos Chikito

Pa motibo di huur Cayman a hinca taxista den Pos Chikito

2
0
SHARE
- Advertisement -

ORANJESTAD(AAN): Diamars anochi polis y Recherche di San Nicolas a pone man riba e conocido di husticia, M. Pieters naci na April 1960 y conoci como Cayman.

E homber aki den oranan di atardi a hinca un Taxista y tur esaki pa motibo di asunto di huur y coriente cu a worde corta. Polis primeramente a ser manda cu urgencia na e adres na Pos Chikito cerca di un restaurant. Ora cu polis a yega nan a topa cu un persona den veranda di cas cu corta na man y tambe na pia.

Segun Cayman e ta huur apartamento na e cas y nan a kita coriente. Ademas di esey Cayman lo ta tilda e victima di ta debe placa di un generator. Esakinan kizas ta storia pa scapa curpa. E dia anterior parce ya caba Cayman tabata cana rond y a laga sa cu e lo bay hinca e victima. El a cumpli tambe.

Ora cu e discusion a cuminsa el a manda cuchio riba e victima cu ta un taxista di profesion. E victima a bay purba tene e cuchio pa e no hinke den su curazon y aki el a corta su man malamente. Despues el a manda e cuchio riba su pia y draai esaki “aden”, lagando un herida serio tambe.

E victima a bay hospital pa tratamento medico y a keda interna. Riba e fotonan aki por mira e victima y tambe e sospechoso despues cu el a keda deteni y cuchio grandi confisca. Nan a haya droga den su poder tambe, ora cu el a bay cumpra cuminda na Pos Chikito, Polis y Recherche a sorprende y detene. E ta worde acusa awor di intento di asesinato.

- Advertisement -

DUNA COMENTARIO

Please enter your comment!
Please enter your name here