Archivo di June, 2009

Probablemente e muher a kere cu ta su casa el a mata cu auto

Publication: Tuesday, 2 June 2009. Categoria: Policial

ORANJESTAD(AAN):— Un investigación profundo ta tumando lugar e momentonan aki riba e caso cu a sosode na Wayaca riba e caminda principal caminda e homber Charles Miguel Ramada Mora a perde su vida.

E tabata canando na pia y a haye tambe benta morto canto di caminda. Tur cos ta mustra cu e peaton aki ta victima di un accidente intencional. E muher cu awe ta deteni probablemente a kere cu ta su cas el a mata.

Según información cu ta drentando e momentonan aki ta bisa cu e muher a pleita cu e homber cerca di aeropuerto y e homber a baha riba caminda y cana bai.

Kenki Oduber ta haya mas di 100.000 na vergoeding so!

Publication: Monday, 1 June 2009. Categoria: Politica

ORANJESTAD(AAN) Dia 6 di Februari 2009, Prome Minister Nel Oduber ta firma un beschikking pa su mes ruman Kenki Oduber cu un lista increibel di vergoedingen y toelage. Riba un salario anual di Afl. 100.000,== Kenki ta haya un otro 100.000 florín na toelage pa cas, telefon, auto, representatie y hasta awa, coriente y gas.

Kenki su salario a worde fiha riba 129.029 florín. Un suma astronomico cu ta worde haci extra gordo cu un toelage di 25%. Comosifuera cu esaki no ta suficiente Nel ta duna Kenki un lista absurdo di toelagen y vergoedingen.