Home Policial Probablemente e muher a kere cu ta su casa el a mata...

Probablemente e muher a kere cu ta su casa el a mata cu auto

18
0
SHARE
- Advertisement -

ORANJESTAD(AAN):— Un investigación profundo ta tumando lugar e momentonan aki riba e caso cu a sosode na Wayaca riba e caminda principal caminda e homber Charles Miguel Ramada Mora a perde su vida.

E tabata canando na pia y a haye tambe benta morto canto di caminda. Tur cos ta mustra cu e peaton aki ta victima di un accidente intencional. E muher cu awe ta deteni probablemente a kere cu ta su cas el a mata.

Según información cu ta drentando e momentonan aki ta bisa cu e muher a pleita cu e homber cerca di aeropuerto y e homber a baha riba caminda y cana bai.

E muher tambe a Sali bai pero parce cu e no sa unda exactamente e homber a move. Na caminda el a keda core manera loco buscando su casa. E homber mes cu ta casa cu e sospechoso a bai te aerpuerto unda nan a pidi un taxi pe.

Un taxi e bin buske y hibe cas. Parce cu na caminda e homber aki a bisa cu su muher kier pasa auto riba dje.

Aki ta caminda cu ta lanta sospecho si e muher a dal e victima intencionalmente keriendo cu ta su casa.

E muher cu a core manera loco bai direccion pariba a mira un hende ta cana y den oranan di madruga a kere cu ta su casa so lo ta na pia riba caminda. Wel aki si el a faya pasobra ora cu el a yega cas cu e auto kibra su casa mes tabata na cas masha rato. Ta su mesun casa a bati alarma y yama polis cu a bin detene e muher.

E investigación profundo cu ta tumando lugar lo bai saca afor exactamente den ki problema e muher aki burachi na stuur a causa cu awe probablemente intencionalmente a kita vida di un hende inocente después cu el a dal hende robez tambe.

- Advertisement -

DUNA COMENTARIO

Please enter your comment!
Please enter your name here