Home General Tin un homber Arubiano cu tin dos casa simultaneamente

Tin un homber Arubiano cu tin dos casa simultaneamente

13
0
SHARE
- Advertisement -

ORANJESTAD (AAN): Bigamia ta un acto castigable, cu ta referi ora un persona ta drenta den mas cu un enlace matrimonial, ademas di uno cu ta reconoci legalmente. Hopi pais tin ley cu ta prohibi bigamia, considerando esaki como un crimen.

Ley Hulandes tambe ta cay pisa riba Bigamia, unda un persona cu comete e acto aki, y casa cu dos persona pareu, ta core riesgo di haya un castigo di prison te cu 6 aña! Tin indicacion fuerte awor, cu na Aruba tin un persona local kende ta cometiendo bigamia.

E informe aki a bin na claridad, ora cu un dama Mericano a cuminza busca paradero di su casa na Aruba.

E dama Loretta Dubero, ta buscando su casa pa 9 aña caba y no por a haye. Recientemente el a pone un clasificado na Aruba, y asina porfin el a bin haya sa cu su casa… mientras tanto a bolbe casa cu un otro persona!

Loretta tabata un turista cu a bishita Aruba na aña 2000, y a goza di su vakantie. Aki el a cera conoci cu un Arubiano, kende tabata yudando cu un Jeep Tour riba e isla.

E vacilon tabata bon, y e dama Loretta a ‘cay’ pa e Arubiano aki, kende tabata yene cu palabranan bunita y feliz. E hoben Arubiano tabata bise constantemente, cu e kier bin cune na Merca, y casa cune. Asina Loretta a bisa OK, y di berdad e hoben Arubiano a viaha bay te na Merca.

Pero 10 dia despues di e matrimonio, e Arubiano a bandona Merca y nunca mas Loretta a tende mas di dje.

Recientemente Loretta a logra pone un propaganda di clasificado na Aruba, unda e ta pidi su casa pa yame na Merca, debi cu despues di 9 aña, Loretta kier un divorcio.

Asina el a cuminza haya yamada na Merca, y a bin ricibi e noticia cu a lage den shock! Su casa Arubiano a dicidi na casa cu un otro dama local, y tur cos ta mustra cu e no a ni pidi divorcio, ni anulacion di esaki. Esaki den terminologia legal, nifica “bigamia”. Un acto castigable te cu 6 aña di prison!

No ta conoci si acaso autoridadnan local ta cuminza ricibi informe for di Pennsylvania caba relaciona cu e asunto aki, pero lo tin di bay investiga con bin cu un Arubiano kende a casa dia 14 di Januari 2000 na Merca, awor ta casa cu un otro persona, siendo cu nunca el a pidi divorcio di e matrimonio anterior.

Algo si ta conoci, esta cu un avalancha di documento for di Merca ta rumbo pa Aruba pa asina duna cuenta di e asunto.

- Advertisement -

DUNA COMENTARIO

Please enter your comment!
Please enter your name here