Archivo di July, 2009

Dr. Vallejo ta bay den welga

Publication: Thursday, 30 July 2009. Categoria: General

ORANJESTAD (AAN): Dos biaha caba, AZV ta violando sentencia di Huez, door di keda sin paga placa cu a worde gana hustamente door di e mihor neurologo di Aruba, esta Dr. Vallejo.

E biaha aki, parce cu ta un funcionario di seccion Financiero di AZV ta bin cu excusa fofo… pa asina viola e sentencia di Huez.

Manera ta conoci, Dr. Vallejo a haye obliga na pone caso dilanti Huez, debi cu e instancia di AZV ta comete abuso contra dje, reteniendo pago. E impresion cu Dr. Vallejo tabatin, ta cu e Aseguro General di Aruba ta sancionando e docter pa su ideanan politico, y di forma parti di oposicion di Gobierno.

Ladron a drenta den botica y bay cu caha di placa

Publication: Wednesday, 29 July 2009. Categoria: Policial

ORANJESTAD (AAN): Riba Diamars, pa medio di vocero policial a keda suministra oficialmente di ladronicia y kiebro cu a tuma lugar dialuna marduga na Botica di Servicio Maria na Santa Cruz.

Parce cu no ta prome biaha cu posiblemente e mesun ladron a logra kibra drenta, tira man riba caha di placa. Patruya Santa Cruz cu a presenta a topa cu un guardia di seguridad.

Segun e guardia su version, e ta encarga cu vigilancia na Valero Santa Cruz., na un dado momento el a desorden pa cual el a bay tira un bista pa averigua kico lo por a tuma lugar. El a bin constata cu desconoci a destrui porta glas di Botica Maria cu bloki.

Crisis economico y social na Aruba

Publication: Tuesday, 28 July 2009. Categoria: Politica

ORANJESTAD(AAN)– – “Aruba mester di un cambio di gobernacion hopi rapido. Un cambio cu lo duna empresanan y e pueblo seguridad atrobe. Un cambio di gobernacion ta e unico remedi y forma pa ataca e crisis grandi cu nos ta enfrentando na e momentonan aki”, palabranan fuerte di lider di partido AVP mr. Mike Eman.

Mike Eman a habri e conferencia di prensa semanal di partido AVP bisando cu e kier a dedica henter e conferencia di prensa na e situacion hopi grave pa loke ta Aruba su desaroyo economico y su futuro dor di e situacion dramatico di nos refineria Valero. Cada ora cu pasa empresanan cu ta trahando den Valero ta notificando hopi empleado cu no tin trabou mas pa nan.

Madruga un teenager di 15 aña a haya morocho

Publication: Monday, 27 July 2009. Categoria: Policial

baby1ORANJESTAD (AAN): For di basta dia DIARIO a bin ta papiando riba e situacion serio cu nos hubentud ta pasando aden. Tin casonan caminda ya caba a bati alarma na autoridad pa cosnan realmente lamentable cu ta sosodiendo den nos comunidad.

Algun siman atras nos a bin cu informacion alertando riba e hecho cu na Aruba tin e wela mas jong di mundo, locual no ta nada pa gaba ni haci fanfarea di esaki.

E casonan di embarazo hubenil na Aruba cada dia ta bay den aumento. Tin datonan di un mucha cu a sali na estado cu unicamente 11 aña, aki na nos isla y asina mes nos por sigui menciona mas ehemplonan.

Chines deteni tambe ta sali liber pa otro eror di ministerio publico

Publication: Saturday, 25 July 2009. Categoria: Policial

ORANJESTAD(AAN): Ora cu DIARIO a bisa cu e tino di e fiscal Casper van der Schaft ta otro caminda nos ta bolbe haya confirmacion di esaki. Otro eror mesun fiscal a comete.

Mientras cu polis ta labora pa pueblo sosega, ministerio publico ta sigui faya y asina mas sospechoso ta sigui sali liber. DIARIO a busca contacto cu abogado mr Edwin Duijneveld pasobra tan et su persona ta representa e famia chines di Cheng Xing.

DIARIO ta sigur cu den detayenan cu tin e abogado aki sigur no ta laga ningun eror pasa bay.

Coca Gate: A detene Arubiano mas un Colombiano na Aeropuerto

Publication: Thursday, 23 July 2009. Categoria: Policial

ORANJESTAD (AAN): E dianan aki Douane Recherche ta atento y ta hiba un control severo na aeropuerto.

Den un tempo relativamente corto nan tabata sa di detecta dos homber cu tabata na punto di viaha pa hulanda.

Den nos edicion di ayera a keda publica di e dos hombernan supuestamente bon amigo di defunto Guiseppe Arend Phelipa mihor conoci como “Eppy”.

Manera ta conoci “Eppy” a worde asesina altura di Golden Gate diadomingo al instante door di a ricibi un tiro fatal den cabez.

Drs. Paul Croes: Discuti di pasado no ta resolve nos situacion actual

Publication: Wednesday, 22 July 2009. Categoria: Economia,Politica

ORANJESTAD (AAN):Keda pega den historia y discuti locual a pasa añanan anterior, no tin relevancia pa e desaroyo actual. E momentonan aki, no tin tempo di perde di discuti pasado y keda stagna den tempo.

Awor mas cu nunca nos mester ta pragmatico, creativo y uni pa hunto resolve retonan grandi cu nos dushi isla ta confrontando. Keda discuti diferencianan di opinion of di color politico di 10 of 20 aña pasa, no ta aporta na solucionan pa nos futuro.

Homber likida cu tiro den cabez dilanti di Golden Gate

Publication: Monday, 20 July 2009. Categoria: Policial

ORANJESTAD (AAN): Aruba a keda sacudi cu otro caso serio mas diadomingo mainta. Un crimen hopi serio caminda e homber Guiseppe Arend Phelipa naci na Curacao a ser mata cu un tiro den cabez.

E caso a pasa den careda di 10’or y e prome información cu a drenta ta cu un hende a worde tira y ta hopi grave.

Berdad na yegada di polis y ambulance a cuminsa trata dune asistencia medico pero for di e momentonan ey por a mira cu e tiro tabata mortal den cabez.

Mike Eman den un reunion instructivo a papia en extenso cu ex-comisarionan di polis

Publication: Friday, 17 July 2009. Categoria: Politica

ORANJESTAD(AAN)– Den oranan di diahuebs atardi lider di partido AVP e energico Mike Eman a tene un reunion cu tres persona prominente riba tereno di asuntonan policial y husticia. Hendenan cu un experiencia amplio y un conocimento grandi riba e terenonan ya menciona.
Nan ta e tres ex comisarionan di polis, sr.J.van der Straten, sr.A.Nectar y sr. R.Peterson.

Lamentablemente sr.Rasmijn no por tabata presente.
Tambe tabata presente Luciano Milliard.

A ta copia di rapport ‘fantasma’ di Departamento di Labor cu ta papia di 8 mil desempleado!

Publication: Thursday, 16 July 2009. Categoria: Politica

ORANJESTAD(AAN)– Segun un comunicado di Comision Un Solo Aruba, e malesa di partido MEP di play santo y gaña hende ta pega masha lihe mes y un di e marioneta nobo di MEP a demostra esaki claramente.

Den e promer encuentro di un posibel candidato riba e lista geel (pasobra e no sa si e ta bay riba dje of banda di dje) cu prensa, e marioneta aki ya caba a bin cu un serie di mentiranan dilanti y tabatin e curashi di ataca Otmar Oduber.

“Secta peligroso” dunando seminario obligatorio y alaves dudoso na studiantenan na Aruba

Publication: Wednesday, 15 July 2009. Categoria: General

ORANJESTAD (AAN): Pa algun dia caba tin informacionnan drentando na nos mesa di redaccion cu tin cosnan hopi dudoso ta pasando den Departamento di Enseñanza na Aruba. Mayornan ta yamando nos redaccion pa mustra ariba e hecho cu nan yiunan ta obliga pa atende un seminario pa nan por haya un studielening.

Algun di nan ta te hasta mustra ariba e hecho cu e instituto tras di e seminarionan aki tin origennan dudoso. E informacion cu nos ta hayando ta cu e instituto tras di e seminarionan y e seminario mes ta basa ariba enseñansanan di un grupo (algun ta yame “Secta”) cu yama “Insight” y na Francia e grupo aki ta bay bao di e nomber “Innergy”. Na Francia e grupo aki ta considera un “secta peligroso” pa e Parlamento di Francia for di 1996 caba.

Ministerio publico desarmando warda nos costa

Publication: Tuesday, 14 July 2009. Categoria: General

ORANJESTAD(AAN):E departamento di warda nos costa mester somenta.

Esey ta e deseo di Hulanda y tambe hopi local cu ainda no por compronde con e minister di husticia a lanta un cuerpo apat cu hendenan arma.

Ministerio Publico mes tabata tin diferencia di opinion grandi riba e departamento aki y su maneho.

E forma cu nan ta drenta cas di hende ta algo cu semper a keda cuestiona.

Awor rudy lampe ta defende Nel Oduber

Publication: Friday, 10 July 2009. Categoria: Politica

ORANJESTAD (AAN): Nel Oduber a yama ex pastor Rudy Lampe un porco suchi poco dia pasa. Un ofensa cu nunca antes nos a tende na Aruba entre politiconan. Rudy Lampe ta pastor.

E por a cambia posicion pa un poco tempo pero su profesion ta pastor. Esaki Nel Oduber tambe sa y lo mester tin un respet pa e situacion aki. Nel Oduber tabata un amigo di Rudy Lampe no mucho tempo pasa. Awe DIARIO ta tende cu Rudy Lampe a bula pa defende e mesun Nel Oduber aki contra expresionnan haci door di miembronan di Tweede Kamer na Hulanda.

Un promedio di 10 mil persona ya caba ta vacuna contra virus di griep

Publication: Wednesday, 8 July 2009. Categoria: General

ORANJESTAD (AAN): Ayera un biaha mas por a nota cu cada dia mas y mas persona ta acudi na Departamento di Salud Publico pa asina haya e vacuna contra griep.

Segun DIARIO tin entendi tur dia e profesionalnan di salud ta hayando un cantidad considerable di hende cu ta acudi pa haya e vacuna aki. Segun informe, un promedio di 2 mil persona pa dia solamente na Playa ta e cantidad promedio.

Pa loke ta Playa y San Nicolas hunto cu por papia di un cantidad di 10 mil persona promedio cu a haya vacuna contra griep te cu aworaki.

Your Vision 2009 cu Otmar Oduber un exito total ayera anochi

Publication: Tuesday, 7 July 2009. Categoria: Politica

ORANJESTAD(AAN)— Ayera nochi a tuma lugar e promer programa livestream Your Vision 2009 cu a resulta di ta un exito total.

E cantidad di hendenan cu tabata sigui e programa aki on line y via Canal 90 como Real FM tabata masha grandi mes, caminda online solamente por papia di un audiencia di riba 600 persona.