Home Politica Awor rudy lampe ta defende Nel Oduber

Awor rudy lampe ta defende Nel Oduber

1
0
SHARE
- Advertisement -

ORANJESTAD (AAN): Nel Oduber a yama ex pastor Rudy Lampe un porco suchi poco dia pasa. Un ofensa cu nunca antes nos a tende na Aruba entre politiconan. Rudy Lampe ta pastor.

E por a cambia posicion pa un poco tempo pero su profesion ta pastor. Esaki Nel Oduber tambe sa y lo mester tin un respet pa e situacion aki. Nel Oduber tabata un amigo di Rudy Lampe no mucho tempo pasa. Awe DIARIO ta tende cu Rudy Lampe a bula pa defende e mesun Nel Oduber aki contra expresionnan haci door di miembronan di Tweede Kamer na Hulanda.

E expresionnan haci door di e Hulandesnan tabata bruto y unberguenza grandi pa Aruba pero nan no tabata tin e mesun peso cu un “porco sushi”. Awo Rudy Lampe kier meen cu na Hulanda nan no mag papia malo di Nel.

Algo hopi straño si realiza cu sin un pida di duele cu Rudy e nomber di porco sushi a worde duna na Rudy Lampe door di Nel Oduber. Y awo pasobra e Hulandesnan a critica Nel den sala di Tweede Kamer, Rudy a bira heroe y bula pa scapa Nel. Aki na Aruba tur hende sa cu Nel ta un “grote ladron” y cantidad grandi di nos hendenan mes ta yama Nel nombernan hopi pio cu esaki.

E berguenza ta cu nos pueblo ta e victima di e ministro presidente di Aruba cu a laga cosnan bay asina leu. Esey no ta kita cu e Hulandesnan a papia loke gran mayoria di e pueblo di Aruba tambe ta papia.

Nel Oduber a castiga nos pueblo y enrekise su mes hendenan na un manera exorbitante. E Hulandesnan a dicidi di para e corupcion di e gobierno di MEP! Pero aki ta na unda “brothers in crime” ta bin back como splicacion pa e acto di heroe di Rudy Lampe na defensa di Nel Oduber.

Rudy Lampe tin un splicacion di duna di 540.000 Florin cu a desaparece bao di control di Rudy Lampe. Aki ta mira e lasonan. Mescos cu den MEP nan por bebe sanger di otro, nan ta keda hunto pa evita cu tur ta bay cera y pa nan tur keda abusa di nos pueblo y su placa.

Rudy Lampe pa hopi tempo tabata parti di e nucleo di MEP y tabata un di esnan cu tabata haci e trabaonan vies pa Nel y su coleganan. Kier meen cu nan conoce Rudy Lampe bon y pesey nan por yame tur sorto di cos, pero esaki no kier meen cu nan ta kibra cu otro! Tur tin sufciente ariba otro pa tur bay cera hunto den KIA. Esey ta e situacion di Lampe y Nel cu rabia ariba otro pero “still brothers in crime”.

- Advertisement -

DUNA COMENTARIO

Please enter your comment!
Please enter your name here