Home General Dr. Vallejo ta bay den welga

Dr. Vallejo ta bay den welga

9
0
SHARE
- Advertisement -

ORANJESTAD (AAN): Dos biaha caba, AZV ta violando sentencia di Huez, door di keda sin paga placa cu a worde gana hustamente door di e mihor neurologo di Aruba, esta Dr. Vallejo.

E biaha aki, parce cu ta un funcionario di seccion Financiero di AZV ta bin cu excusa fofo… pa asina viola e sentencia di Huez.

Manera ta conoci, Dr. Vallejo a haye obliga na pone caso dilanti Huez, debi cu e instancia di AZV ta comete abuso contra dje, reteniendo pago. E impresion cu Dr. Vallejo tabatin, ta cu e Aseguro General di Aruba ta sancionando e docter pa su ideanan politico, y di forma parti di oposicion di Gobierno.

Pero ora Huez a mira cu e factornan treci dilanti ta na fabor di e Neurologo, y debi cu AZV ta retene parti di su trabao, Corte di Prome Instancia a duna veredicto unda AZV no por retene mas e placa mensual di Dr. Vallejo.

Aleluya? Of no?

Resultado ta cu awor contra e decision di Huez, AZV ta sigui retene placa, hasta cu Diaranzon un biaha mas a djis page “un suma” chikito, di cual Dr. Vallejo no por biba cune.

Esey ta pone cu mi tin di stop y midi forza cu nan, pasobra ta parce cu aki na Aruba no tin respet pa ley ni pa Huez.

Si acaso AZV mes ta impone ley, pensando cu Gobierno ta apoya nan den un persecusion politico contra el como profesional, y si acaso AZV ta kere cu nan tin mas poder cu Corte of Huez… e ora Dr. Vallejo a anuncia cu e lo bay stop su trabao!

E ta spera cu por fabor, esnan den Gobierno of AZV no yama radio, y gaña cu Dr. Vallejo ta bay perhudica hende, etc. Pero hecho ta cu e miserable tips cu AZV ta dune como entrada aki, el como medico no por biba ni pa paga awa of coriente.

KI RIL AWOR A DRENTA DEN AZV?

Segun Dr. Vallejo, su Secretaria a puntra pakico AZV a bolbe retene placa. E excusa di e biaha aki? Pasobra envez di skirbi fecha di nacemento estilo “6 di Mei”, a skirbi “Mei 6”.

Ridiculez di marca mayor! Acaso e funcionarionan di AZV no sa e diferencia? Por fabor, un hende por organiza un crash-course pa e Financien Department di AZV pa nan sa con pa bin cu protocol di skirbi fecha?

Pasobra, algun tempo pasa, hendenan di AZV mes a recomenda Dr. Vallejo pa skirbi fechanan asina. Anto awor diripiente na Juli, e sistema ey no ta valido mas?

AZV ta haci e wega di muchachada!

E cos aki ta algo inhusto! Dr. Vallejo no por tolera esaki! Kizas tin di bay midi forza anto? Pero hopi hende lo keda perhudica si acaso Dr. Vallejo bay den welga, pero e no a keda cu ningun otro recurso.

DIARIO ta opina cu Dr. Vallejo ta reclamando cu tur su razon! E ta traha tur dia te cu 12’or di anochi, y asina malo AZV ta tratando e specialista aki mas stima di Aruba?

Huez a bisa claramente cu no ta retene placa.. y un simple Secretaria di Finanzas di AZV ta tuma un decision cu ta bay contra Huez.

E abuso di AZV no tin limite! E wega di “afkeuring” ta algo nobo. Di con tin afkeuring si acaso Dr. Vallejo ta traha cu codigo di AZV?

E luna di Huez a dicta, nan a bin cu afkeuring di 10.000 Florin. AZV no a ni worry cu decision di Huez.

Awor bisa cu a keur af 6.000 Florin di dje! Nan a tira e culpa cu a skirbi e fecha di nacemento robez… pero e smoesje ey ta increible! Increible cu un Neurologo ta gana asina poco aña! Dr. Vallejo ta strike! Ban spera cu pueblo bay sostene!

- Advertisement -

DUNA COMENTARIO

Please enter your comment!
Please enter your name here