Home Economia Drs. Paul Croes: Discuti di pasado no ta resolve nos situacion actual

Drs. Paul Croes: Discuti di pasado no ta resolve nos situacion actual

0
1
SHARE
- Advertisement -

ORANJESTAD (AAN):Keda pega den historia y discuti locual a pasa añanan anterior, no tin relevancia pa e desaroyo actual. E momentonan aki, no tin tempo di perde di discuti pasado y keda stagna den tempo.

Awor mas cu nunca nos mester ta pragmatico, creativo y uni pa hunto resolve retonan grandi cu nos dushi isla ta confrontando. Keda discuti diferencianan di opinion of di color politico di 10 of 20 aña pasa, no ta aporta na solucionan pa nos futuro.

Na momentonan aki nos ta confrontando un situacion caminda jovennan ta falta e stimulo y e guia, tambe e infrastructura pa desaroya nan mes. Awe mas cu nunca nos ta mira violencia y crimindalidad creciente, riba un isla cu tabata conoce un tranquilidad inmenso.

Cu un caida den e Calidad di turismo (10,6%, segun cifranan di Banco Central) y cu consecuencia di desempleo den sectornan di hotel y restaurantnan (un calculo di 2000 – 3000 persona: FESCA). Nos commercio ta conociendo un periodo difícil (250 negoshi menos inscribi pa fin di 2009: Camara di Commercio). Incertidumbre pa cu nos refiniria, tambe ta causa di preocupacion (750 famianan directamente trahando y 3000 indirectamente via contract).

Aparato di gobierno cu no ta productivo y deficiente ya ta conoci pa nos tur caba. Cu e desaroyonan cu Aruba a conoce e ultimo añanan, caminda nos a conoce tambe un crecemento grandi di nos poblacion, e desaroyo a bira uno incontrolabel pa gobierno. A yega a momento pa trata na frena e desaroyonan negativo aki.

Posibel solucionnan

Politica cu Integridad y Calidad ta nesecario awor. Un politica habri, profesional y transparente ta un must. Dialogo mester ta central den un gobernacion nobo pa cu partnernan local e internacional. Oido pa pueblo, kendenan ta bo consehero principal mester ta objetivo di cada politico na Aruba. Karakter ta esencial pa tuma decisionnan importante pa nos isla.

Stabilisa e lasonan cu nos partnernan den Reino, lo contribui na solucionan conhunto pa retonan. Intercambio di expertisio y conseho riba desaroyo den e futuro sercano. Dialogo a base di respet pa haya apoyo mutuo riba diferente tereno.

Mercadeo creativo pa trata na haya e turista cu poder financiero grandi back na Aruba. Eleva e Calidad di servicio y producto cu nos ta presenta. Involvi jovennan y comunidad den esaki. Laga nos sintinos mes orguyoso atrobe di biba riba e dushi isla aki.

Frena commercialisacion (shoppingmalls y condominiums) di zonanan cu por worde transforma den parkenan recreativo, green areas. Esaki ta pa trece back un desaroyo controlabel, saludable y un embeyisimento di nos centro di cuidad y San Nicolaas.

En todo caso ban wak padilanti y busca solucionan awo. Vision den politica ta un plan y un deseo cu idealnan positivo cu bista padilanti. Ban no keda stagna den pasado y discuti cosnan cu awor no ta relevante y cu no contribui na bienestar di nos dushi isla Aruba.

- Advertisement -

1 COMMENT

  1. DRS.PAUL CROES, TIN HOPI RAZON, TIN CU STOP BAI DEN PASADO, TA ADILANTI TIN PROGRESO, MESTER POR TIN VISION, CU BISTA RIBA UN MANEJO GOBERNAMENTAL, TRECE CAMBIO, RIBA E INFRACSTRUCTURA TURISTICA,TUR TIPO DI POSIBILIDAD,PA AUMENTA ENTRADA PA ARUBA.SEA CREATIVO, CU INSENTIVONAN NOBO,CREA UN PROGRAMMA AGRESIVO PA TRECE MAS TURISTA Y HACI UN ARUBA, SIN TIN LOW OF HIGH SEASON, ARUBA MESTER POR BIRA UN ISLA, CU UN HIGH PEAK SEASON, HENTER ANYA.TIN HOPI MANERA,HENDE CAPAZ TIN, HENDE PA TRAHA TIN,ARUBA( FIRST CLASE TURISM)CLA MANERA UN “MONTE CARLO”, DIKON NO POR???. CLASE Y CALIDAD!!!

DUNA COMENTARIO

Please enter your comment!
Please enter your name here