Home Policial Homber likida cu tiro den cabez dilanti di Golden Gate

Homber likida cu tiro den cabez dilanti di Golden Gate

21
0
SHARE
- Advertisement -

ORANJESTAD (AAN): Aruba a keda sacudi cu otro caso serio mas diadomingo mainta. Un crimen hopi serio caminda e homber Guiseppe Arend Phelipa naci na Curacao a ser mata cu un tiro den cabez.

E caso a pasa den careda di 10’or y e prome información cu a drenta ta cu un hende a worde tira y ta hopi grave.

Berdad na yegada di polis y ambulance a cuminsa trata dune asistencia medico pero for di e momentonan ey por a mira cu e tiro tabata mortal den cabez.

Polis a pidi nan coleganan presenta pa cuminsa yuda sera e area. Recherche a presenta tambe na e lugar y e investigación a ranca sali. Tur cos ta mustra cu nan tabata den Golden Gate for di marduga después di concierto.

Golden Gate ta hopi keho tin riba dje pasobra e lugar aki no tin ora di sera. Polis mes no sa con pa sera e lugar aki. Di madruga te cu merdia tin biaha e ta keda habri. Te hasta ta ser menciona cu tin basta droga ta circula entre esnan cu ta bishita e lugar aki cu tin un permiso di hotel.

Polis a bay bati na porta pero dimes nan no por a haci net net nada pasobra a lock e porta di tur banda. E ruman muher di e victima a yega na e lugar y polis a bay cune warda pa e duna declaracion.

E tabata cu su ruman den Golden Gate y a bay lage eyden tambe. Kico a pasa después no ta conoci.

Eppy Phelipa a cruza caya saliendo for di Golden Gate. El a start su auto V-1999 y algo a sosode cu el a baha back di e auto. A haye benta banda di e porta di e auto. E tiro a causa hopi daño na cabez di Eppy Phelipa. El a perde hopi sanger.

DETENCION

Mientras cu e investigacion tabata andando e recherchenan tabata acumulando informacion. Na dado momento a drenta información na central di polis cu riba e caminda di Oranjestad pa San Nicolas tin un pickup color di oro A-43138 coriendo zig zag riba caminda.

Ora cu e recherchenan investigando e tiramento a tende esaki mesora nan a cay aden y pidi patruya pa detene pasobra e por tin algo di haber cu e caso di tiramento. Aunke ainda no kier tilde di a los tiro tog recherche kier haya mas evidencia pa nan mes prueba e rol di e cuidador aki den e asesinato.

Despues cu polis a blokia varios parti di e careteranan principal a bin topa cu e pickup A-43138 den Dakota. Un patruya di recherche a sigui su tras y pidi refuerzo. Net panort di corte na Wayaca a bin detene.

Ta trata aki di Eddy Wakata Ras cuidador di preso na KIA. Den su poder a haya bate di baseball y cocaina pa propio uso. E auto a keda confisca y hiba warda unda a listre pa busca mas evidencia.

Recherche ta pidi cualkier persona cu por sa algo of a mira algo pa yama recherche na Oranjestad.

E victima Eppy Phelipa mester a sali pa Hulanda e mesun diadomingo atardi. Paz na su restonan y hopi forza na e famia. El a laga varios yiu atras tanto na Aruba, Curacao y Hulanda.

- Advertisement -

DUNA COMENTARIO

Please enter your comment!
Please enter your name here