Home Politica Mike Eman den un reunion instructivo a papia en extenso cu ex-comisarionan...

Mike Eman den un reunion instructivo a papia en extenso cu ex-comisarionan di polis

1
0
SHARE
- Advertisement -

ORANJESTAD(AAN)– Den oranan di diahuebs atardi lider di partido AVP e energico Mike Eman a tene un reunion cu tres persona prominente riba tereno di asuntonan policial y husticia. Hendenan cu un experiencia amplio y un conocimento grandi riba e terenonan ya menciona.
Nan ta e tres ex comisarionan di polis, sr.J.van der Straten, sr.A.Nectar y sr. R.Peterson.

Lamentablemente sr.Rasmijn no por tabata presente.
Tambe tabata presente Luciano Milliard.

E reunion cu a bai den un tremendo bon ambiente tabata uno masha necesario, pasobra Mike Eman a haya hopi informacion y sugerencianan valioso cu sigur mester wordo poni den practica durante un siguiente gobernacion.

Tur tres persona hunto cu Mike Eman a delibera en extenso riba e diferente puntonan di preocupacion y intrankilidad cu ta reina den nos comunidad.
Hopi asuntonan serio y preocupante cu nos aki na Aruba dia den dia afo ta biba cu nan a wordo discuti.

Un punto cu a bin padilanti ta cu e situacion na Aruba mester haya un enfoke integral.
Riba hopi tereno tin problema y hopi di un of otro manera ta liga na otro.
Criminalidad hubenil por wordo evita sin tin un sistema di cuido cu ta funciona bon y tur instancia ta traha hunto.

A papia riba e problematica di choller cu nos tur di un forma of otro tin que haber cu ne y con por yega nan solucionnan structural. Mescos ta conta pa e criminalidad cresciente cu ta azotando nos isla.
E idea di “polis di bario” cu ta algo bon mester wordo reinforza y cu polisnan hoben y motiva.
Mester haci algo cu e bendedornan di droga.

Di tur forma mester duna e comisario di polis tur espacio pa e por traha sin metemento politico.
Riba e punto aki tur hende tabata di acuerdo, pasobra sin esaki nunca bo ta haya un Cuerpo Policial cu ta funciona drechi.

Mester duna e polisnan loke legalmente nan tin derecho riba dje y tambe e toolsnan pa nan por traha.
Esaki ta solamente un par di e hopi puntonan cu a wordo discuti. Masha hopi asunto a bin padilanti y mes hopi sugerencia y solucionan tambe a wordo treci.

E reunion a dura casi tres ora y asina mes no a keda cla y lo mester haya un continuacion.
Tur tres ex comisario ta haya e pensamento di Mike Eman pa bin den un reunion hunto y delibera habri riba topiconan cu ta concerni cada un di nos riba e isla aki, uno tremendo bon.

- Advertisement -

DUNA COMENTARIO

Please enter your comment!
Please enter your name here