Your Vision 2009 cu Otmar Oduber un exito total ayera anochi

Publication: Tuesday, 7 July 2009. Categoria: Politica

ORANJESTAD(AAN)— Ayera nochi a tuma lugar e promer programa livestream Your Vision 2009 cu a resulta di ta un exito total.

E cantidad di hendenan cu tabata sigui e programa aki on line y via Canal 90 como Real FM tabata masha grandi mes, caminda online solamente por papia di un audiencia di riba 600 persona.

Otmar Oduber a bira e politico elegi pa e tema dinamico y hoben tras di Your Vision 2009 y no a keda duda algun cu nan eleccion tabata uno di elogia mirando e dinamismo cu e politico di AVP a mustra ora di contesta e cantidad di preguntanan cu tabta drenta for di pueblo tanto via e chatroom di yourvision2009.com como tambe via e sistema di sms. Tabatin preguntanan hopi pica y hasta personal cu a wordo contesta cu hopi dinamismo dor di Otmar Oduber.

E siguiente programa lo tuma lugar otro siman diaranson pa 8’or di anochi. Tur hende ta keda invita pa sigui e programa aki via www. yourvision 2009. com caminda cu e topico principal lo ta adictonan problematico comunmente conoci como chollers. No perde!

Leave a Reply