Archivo di August, 2009

Valero ta sera pa culpa di Nel Oduber

Publication: Monday, 31 August 2009. Categoria: Politica

ValeroORANJESTAD(AAN): Dos aña pasa tabatin un proposicion riba mesa di Refineria Valero pa gobierno di Aruba. Valero tabata dispuesto pa paga 50 miyon pa aña na winstbelasting y tambe pa haci e inversionnan necesario di 1 biyon dollar pa modernisa e refineria hopi anticua. Esaki a cambio di un dispensacion di BBO riba exportacion.

Si no haya un cumprado, e refineria ta sera su portanan, cu tur e consecuencianan negativo cu esaki ta trece cune. Petrochina a mustra interes, pero a pone condicionnan inaceptabel.

Siman pasa Valero a anuncia cu e lo sera definitivamente su portanan. Prome Minister Oduber a bay medionan di comunicacion pa gaba cu e tin un solucion, pero e berdad ta cu e no por participa un par di siman prome cu eleccion na ningun hende e condicionan cu e cumprado aspirante Petrochina a pone riba mesa, esaki pasobra nan no ta acceptabel pa ningun hende.

Obituario di Dialuna 31 Augustus 2009

Publication: Monday, 31 August 2009. Categoria: Obituario

m1

Atraco arma riba hogar den Malmokweg

Publication: Monday, 31 August 2009. Categoria: General,Policial

atraco_malmokweg_100ORANJESTAD (AAN): Autoridad a haya nan ta mobiliza cu velocidad halto direccion di Malmokweg, ora cu informe a drenta di un caso lamentable di atraco.
   Un biaha mas criminalnan ta hit hendenan na un forma inespera, cu un atraco di desaproba riba un hogar banda di caminda principal di Malmok, anto den oranan cla di merdia!   E cas ta pertenece na un comerciante, y e atracadornan a pone arma di candela na cabez di e sirvienta, a mare tambe, y asina a haya chens di comete nan fechoria.  Na final, e atracadornan a sali bay cu un caha fuerte, conteniendo un botin aun no specifica.

Diedrick Luydens ta bayendo bon den futbol Sparta Rotterdam

Publication: Monday, 31 August 2009. Categoria: Deporte

futbol2ORANJESTAD(AAN)—For di mayornan di Diedrick, Diario Deporte a ricibie bon noticia cu e hoben Diedrick ta bayendo bon cu e equipo di Sparta/Rotterdam, caminda cu ya caba el a hunga contra di hopi equipo profesional den torneo y como weganan amistoso.

Impresion cu nos a haña ta cu durante cu Diedrick tabata na Aruba el a disfruta masha hopi mes di su vacacion aki na Aruba den luna di July y ta manda bisa sr. Buchi Panama cu den luna di Maart e lo ta na Aruba pa e por hunga den algun equipo.

Brazil Taekwondo Stichting su atletanan a haci her- y examen

Publication: Monday, 31 August 2009. Categoria: Deporte

ORANJESTAD(AAN)—Siman pasa Brazil Taekwondo Stichting su atletanan a haci her y examen. Algun atleta tabata tin her-examen, mientras tanto otro tabata tin examen pa e siguiente grado. Examen ta parti di e deporte.

Esaki ta pa wak si e atletanan a siña locual a ser duna na nan durante e 3 luna nan. Cada grado den faha ta nifica un cantidad di materia cu nan mester sa. E material ta consisti di forma, skopnan, technica, kibramento di palo, defensa propio, theorie y tambe mester bringa. Disiplina ta hunga un rol masha importante den un mucha.

Turista a bolter cu auto y ranca palo di luz

Publication: Monday, 31 August 2009. Categoria: General,Policial

ax_marriott_ (1)ORANJESTAD (AAN): Un turista procedente di Francia a resulta herida, ora cu el a bolter cu su Toyota color silver cu number V-2015, net pariba di Marriott Aruba Resort & Casino riba Lloyd G. Smith Boulevard.

A resulta cu un Pickup di un compania di Landscaping no a duna preferencia na e V-auto, y nan a dal den otro.  A consecuencia di esey, e V-auto a bay di banda den un scual, dal un palo di luz y ranca esaki completamente, y despues bolter.

Prome cu e impacto, e V-auto a lastra un brake basta largo, pero tog a dal den e pickup.  E turista masculino procedente di Francia, a sufri di golpi na su nek.  E tabata keha di dolor, y por a mira riba su cara cu e ta sufriendo bastante di e golpinan ricibi.

Cumpleaños di Dialuna 31 Augustus 2009

Publication: Monday, 31 August 2009. Categoria: Cumpleaños

01__marianela_martis___Riba Dialuna, Marianela Martis ta cumpli un aña mas i bida.  E ta haya felicitacion di parti su yiu nan Siegmar, Siegnela, Sharlaine, di parti su mama y tata y ruman nan jessica y su sobrino nan… Y demas famia na Hulanda, Curacao, St. Maarten.  Tambe eta haya un macutu jen di brasa y sunchi di su colega nan di Kraamafdeling. Spera bo pasa dushi riba bo dia…

 

 

Bee Wear Boutique a habri awor na Rutena Mall

Publication: Monday, 31 August 2009. Categoria: General

bee_wearORANJESTAD (AAN): Recientemente tabatin e apertura di Bee Wear Boutique na Rutena Mall Oranjestad. E boutique di moda cu ta bistibo trendy y actual a habri su portanan na Rutena Mall dilanti di Valero caya grandi.
Bee Wear Boutique tabata antes na Shiribana, Paradera, y ta pertenece na e rumannan Melony y Misha Paesch kier invita tur cliente, amigo y conocinan pa pasa na e boutique cu su adres nobo den playa awor. Tur locual ta moda di tops, shimis, accesorios, jeans, beach wear, y hopi mas ta obtenibel na Bee Wear den Rutena Mall. Melony y Misha ta warda boso pa admira e variacion grandi di mercancia trendy pa e hoben y dama di gusto espectacular.

Clarisca na Evelyne: Stop di engaña pueblo pa boso por haya voto!

Publication: Monday, 31 August 2009. Categoria: General,Politica

clarisca_velasquez_2009_a

ORANJESTAD (AAN): Evelyne cu a proganda asina tanto cu e ta bin den partido M.E.P. pa trece cambio a resulta di ta un enganjo pasobra e ta usando e mesun trampa di partido M.E.P. pa logra voto.  Esey ta loke Clarisca Velasquez di AVP, a indica den fin di siman.

Evelyne y su lider den nan afan pa gana eleccion september venidero ta malinformando pueblo di Aruba cu e meta pa haya voto. Nan ta bisando e pueblo cu si nan vota pa A.V.P. nan ta traidor di patria y A.V.P. ta contra Status Aparte ta un mentira flagrante.

E lucha di Status Aparte ta netamente di partido A.V.P. desde añanan trinta ta su partido M.E.P. ta esun cu ta bringa Hulanda y ta contra pa nos tin lasonan cu Union Europeo.

Kiwanis Club of Aruba cu tremendo “Alaskan Wine & Cheese Party” 26 di September proximo

Publication: Monday, 31 August 2009. Categoria: General

Sr.  Giantonio Muller y Sr. Bob Spellen a bishita DIARIO

Sr. Giantonio Muller y Sr. Bob Spellen a bishita DIARIO

Fondonan recauda lo bay pa muchanan den necesidad di nos comunidad! 

ORANJESTAD (AAN): Tur aña, Kiwanis Club of Aruba ta realiza diferente evento special pa recauda fondo pa gruponan den necesidad di nos comunidad.

  Un di e eventonan aki ta e asina yama “Alaskan Wine & Cheese Party”, cual ta ser teni e aña aki pa recauda fondonan ta muchanan den necesidad di nos comunidad.
  DIARIO a combersa riba e actividad aki cu e organizador y alavez Lt. Governor of Division 26 Sr. Robert “Bob” Spellen y Sr. Giantonio Muller, miembro di Kiwanis Club of Aruba kendenan a papia riba e tremendo actividad aki cu lo worde teni diasabra 26 di September na Renaissance Convention Center.

Inscripcion pa Landsexamen a cuminza na Aruba

Publication: Monday, 31 August 2009. Categoria: General

landsexamen_Inscripcion pa landsexamen 2010 a cuminsa pa e scolnan di MAVO/HAVO/VWO. Por inscribi te cu 30 di september 2009 na Examenbureau situa den Belgiëstraat 2 na Oranjestad. CE formulario pa inscribi ta obtenibel na Examenbureau y mester entrega e formulario yena den un forma corecto y cla.  Si un persona ta cumpli cu tur regla pa inscripcion y a pasa e screening di Examenbureau, anto e persona ta haya un notificacion pa trece e documentonan necesario. Tur inscripcion cu drenta despues di 30 di september y cu no ta completo lo no bini na remarke pa trata nan.

Inspector di polis envolvi den accidente riba sasakiweg

Publication: Monday, 31 August 2009. Categoria: Policial

accidentefront1ORANJESTAD (AAN): E comandante operacional di Polisnan di Oranjestad, esta Inspector Eric Soemers a haya su mes envolvi den un desgracia serio na altura di La Cabana Hotel riba Sasakiweg.

E accidente aki a keda raporta ayeranochi, ora cu e Hyundai Getz di Polis a bay pega tras di un Lexus cu tabata para riba caminda. Parse cu gasolin di e Lexus a caba y tabata sperando riba ayudo.

Enbez di haya ayudo, el a haya un auto di Polis cu a bin dal su tras. E polis a wordo transporta cu ambulans pa Hospitaal. Na yegada di polisnan, a detene e chauffeur di e Lexus na e sitio mes.

Asesino kier a drenta kia cu 8 celular

Publication: Monday, 31 August 2009. Categoria: Policial

ORANJESTAD (AAN): Un asesino di fam R kende a mata un chines durante un atraco riba un restaurant na altura di warda di polis na Playa a bay bishita dokter na Centro Medico y el a probecha pa piki ocho celular.

E celularnan aki tabata bon scondi y tur cos ta mustra cu aki ta trata di un cos planea. E persona di CEA hopi atento a mira cosnan straño pasando. Nan a trece e preso aki pa asina bin busca atencion medico.

El a pidi pa bay baño pero dimes e porta ta keda parcialmente habri. Den e movecion straño den baño e personal di CEA a drenta y haye ainda ta sconde loke el a bin busca. A listre mesora y riba dje den su carson a haya ocho celular y un I-Pod. Tambe charger di telefon a ser haya.

Cu despido masal di trahador for di Valero MEP a perde hopi sosten

Publication: Monday, 31 August 2009. Categoria: Politica

Mike de MezaORANJESTAD (AAN) – Matutino DIARIO a entrevista Parlamentario di AVP señor Mike de Meza, na momento cu den fin di siman por a mire para pafo, na entrada di Refineria Valero.

Mike de Meza a duna di conoce cu informacion cu el a haya ta cu enberdad Valero ta cerando su portanan, cu a manda tur contratista cas, y cu atrobe Aruba ta bay pasa door di un “nine eleven” locual ta nifica cu dia 11 di September tur contratista di Valero lo ta pafo.

Kiermen cu tur e tata y mamanan contrata, trahando pa Valero lo mester bay cas y keda sin trabao y despues di esaki e siguiente etapa ta cu Valero ta manda tur su trahadornan directo cas.

Chollernan a horta den deposito di “The Sting”

Publication: Monday, 31 August 2009. Categoria: Policial

ladroniciasting1ORANJESTAD (AAN): Recientemente DIARIO a entrevista propietario di “The Sting” den Caya Grandi señora Nacha de Mey, despues cu Diasabra atardi den dia cla, Chollernan a drenta horta den deposito di e negoshi.

El a splica cu e hecho cu caya grandi ta bay di malo pa peor ta conoci caba y e hecho cu e chollernan pues ta haci desaster anochi tambe ta conoci, pero awor ta den dia cla mes e chollernan a cuminza causa problema y esaki ta un tiki dimas.

Awor ta den dia cla nan ta kibra drenta bo lugar y tira mercancia abao, segun sra de Mey.“Abiertamente nan ta horta den bo lugar awendia”. DIARIO a puntra e señora kico a sosode y con el a descubri loke el a sosode.