Home Policial Acusado haya cu articulonan horta

Acusado haya cu articulonan horta

1
0
SHARE
- Advertisement -

aruba_policeORANJESTAD (AAN): Diahuebs na corte a tuma lugar un caso contra Roberto A.H, apesar cu e no tabata presente.El a worde acusa di a horta den dos cas, bayendo cu hopi articulo di balor.Mama di e sospechoso tabata presente y el a splica huez cu su yiu no por a bin, pasobra el a lanta malo.

Huez a puntra e mama malo di kico y e señora a splica cu su yiu a lanta cu dolor di cabez y kramp.E huez a puntra e señora si su yiu tabata tin intencion di bin corte si y e muher a bisa cu si.Huez a bisa cu e yiu por a bebe un paracetamol pa bin corte.

Abogado de Sousa representando e acusado a bisa huez cu su cliente biaha pasa a bin corte y e biaha aki e tabata tin tur intencion di bin corte.E abogado a pidi pa e caso worde posponi pa su cliente por ta presente.

Un di e personanan perhudica a bisa huez cu esaki ta di 3 biaha cu e mester a pidi liber di su trabao pa por a bin e caso y cu lo ta lamentable pa e worde posponi atrobe.Huez tabata di acuerdo y a dicidi cu e caso mester worde trata.

Fiscal a trece dilanti cu R.H. a worde acusa di a drenta un cas na Rooi Afo riba 5 di Januari 2009, unda cu el a horta entre otro un laptop, joyas, placa, un I-Pod, un I-Phone, un camara digital y un television flat screen.

El a worde acusa tambe di a horta entre otro un laptop, Play Station, un camcorder, un flat screen y telefonnan celular for di un cas na Papaya.

Fiscal sinembargo a bisa huez cu e no tin suficiente evidencia pa bisa cu berdad R.H ta esun cu a horta.

El a worde haya cu un auto den cual tabata tin algun di e articulonan horta y a admiti si cu e tabata sa cu e articulonan tabata horta.E acusado a bisa cu e no a horta nan, sino cu el a haya nan di un otro persona pa e bende nan.

Polis a worde manda pa un sitio unda cu lo tabata tin un persona bendiendo articulonan horta.Ora polis a yega na e sitio, nan a topa cu un conocido di polis cu ta worde yama ‘Bari-Mop’(R.H).E tabata tin un laptop y un television flat screen den e Tercel cu e tabata core.

Propietario di e laptop tabata na e sitio y a reconoce su computer.R.H a worde deteni, pero el a bisa cu no tabata e a horta e articulonan.Abogado de Sousa a bisa huez cu en berdad no tin prueba contra su cliente.

Fiscal a indica cu R. a sinta 40 dia den detencion preventivo y cu como cu no tin prueba cu ta e a horta e articulonan, e castigo ey tabata suficiente, pa intento di bendemento di articulonan horta.

Un di e personanan perhudica a bisa huez cu el a sufri 29.000 na daño y cu seguro a paga un parti so.E lo kier a cobra 16.000 Florin for di e acusado pa e articulonan cu e no a haya back.Huez na final a bay di acuerdo cu exigencia di fiscal, pues cu e acusado a sinta suficiente caba.

No tin prueba cu ta R.H a drenta den e cas pa horta, pues e ora ey R.H no por para responsible pa e articulonan horta, excepto pa e articulonan haya riba dje.El a entrega esakinan back, pues e no por worde ordena pa paga placa na e victimanan.

- Advertisement -

DUNA COMENTARIO

Please enter your comment!
Please enter your name here