Home General Agencia local ta ser mata pa privilegia agencia den exterior

Agencia local ta ser mata pa privilegia agencia den exterior

0
0
SHARE
- Advertisement -

ORANJESTAD(AAN)—No mucho dia pasa tabata tin publicacion di productonan cu mester tin na Landslaboratorium urgentemente pero cu no por a wordo encarga for di exterior pasobra ningun hende tabata tin autorizacion pa haci e encargonan y firma, debi na vacasion di esun encarga.

E informacion cu a sali a trece comentarionan cu ne casi diariamente te cu a bin sali afo cu ainda tin manipulacionnan cu lo ta tumando lugar na landslaboratorium y cu agencianan local lo ta wordo perhudica na fabor di agencianan di exterior.

DIARIO a sigui e desaroyo aki pa por a bini awe cu mas informacion di loke ta pasando actualmente y a haya tambe documentonan relaciona cu e ponencianan.

Despues di fayecimento di Farro, diripiente Robert Wever lo a nombra su mes hefe interino y aki ta unda sigur un agencia ta wordo perhudica continuamente.

E agencia di Aruba lo ta wordo trata na un manera inferior despues di mas di 25 aña ta suministra productonan na Laboratorio y awor ta un agencia americano cu ni ta representante di companianan farmaceutico di exterior y cu mas bien ta un intermediario ta ricibi casi tur encargonan cu ta sali dos vez of mas cu dos vez mas caro cu ofertanan di e compania Arubano.

Di esaki DIARIO a mira cantidad di e oferta manda aden y con esun di e compania americano di un tal Frank Camberera ta wordo privilegia riba e compania di Aruba..

Por a ripara di documentonan tambe con hasta CAD ta tene man riba su cabez y cu hasta consehero financiero ta envolvi su mes den asunto di peticion di ofertanan.

Tambe a ser mustra con ta pidi oferta via agencia na Aruba y cu datonan di esaki ta wordo manda pa compania di exterior cu ta haci oferta mucho mas halto y ta ricibi e encargo tambe riba dje.

E compania di exterior hasta ta usa otro pais como capa cerca productornan pa por haya e productonan pa manda Aruba y pa colmo ta haci esaki cerca compania cu tin su representante exclusivo na Aruba.

Documentacion di tur esaki tin y ta disponibel pa mira y hasta con ofertanan di 400 dollar mas o menos di compania arubano ta wordo poni un banda pa oferta di dos te 3 biaha mas tanto di compania di afo.

Oferta di mas o menos 180 dollar di compania di Aruba cu ta ser poni un banda pa paga compania di afo 500 dollar mas o menos y asina por menciona cantidad di e ofertanan aki.

Tin hasta encargonan haci di productonan cu no tabata necesario mes y cu ta pega cu nan y machinenan y mobilario.

Tur esakinan ta asuntonan cu mester wordo investiga profundamente na Landslaboratorium y ora papia di investigacion ta cu lo no pasa manera peticion haci 3 luna caba pa investigacion di parti di trahadornan mes di Landslaboratorium y cu te awe Ministerio Publico no a haci nada cu e peticion por escrito cu a ser haci.

- Advertisement -

DUNA COMENTARIO

Please enter your comment!
Please enter your name here