Home General Alto comisario satisfecho cu parada, apesar di pelea entre dos muher

Alto comisario satisfecho cu parada, apesar di pelea entre dos muher

1
0
SHARE
- Advertisement -

Peter de WitteORANJESTAD (AAN): Diadomingo AVP a organiza un parada hopi grandi, pa cual nan a pidi permiso na Cuerpo Policial.

DIARIO a entrevista Alto Comisario Peter de Witte, pa haya sa con a bay cu tur cos rond di e parada.Segun de Witte, AVP a pidi un permiso y el a haya esaki.

E parada tabata remarcablemente grandi segun e Comisario y cu excepcion di algun incidente chikito, tur cos a cana bon.

El a splica cu KPA tabata tin suficiente hende riba pia pa atende cu e parada, pero semper ta fastioso ora tin hende cu no ta respeta otro.

Hopi biaha ta eynan cos ta bay fout, pero Diadomingo solamente dos persona a worde deteni na Santa Cruz.Ta trata di dos hende muher cu tabata bringa cu otro.Nan a worde deteni y algun ora despues nan a worde laga den libertad.

E alto comisario a splica cu ora cu peticionnan drenta pa permiso pa parada, KPA ta haci un evaluacion riba seguridad di trafico.Tin algun permiso duna caba y tin mas cu ta bay worde duna.

DIARIO a puntra de Witte si el a ripara for di cua partido esnan cu a bringa tabata y el a bisa cu ta conoci cu esnan di e partidonan contrincante door di respet mutuo ta haya cu nan emocionnan ta subi, pero den e caso aki e incidente tabata masha chikito.

El a bisa si cu ora cu tin incidentenan asina, tur sorto di rumor ta bin dilanti y esey a pasa tambe den e caso aki.

Entre otro a worde bisa cu ora polis a para e parada un rato pa cera e buraconan, cu lo tabata tin un prohibicion pa bay San Nicolas, pero esey ta totalmente falso segun de Witte.

- Advertisement -

DUNA COMENTARIO

Please enter your comment!
Please enter your name here