Home General Antiyanonan ta sigui wordo menciona den crimen na hulanda

Antiyanonan ta sigui wordo menciona den crimen na hulanda

2
0
SHARE
- Advertisement -

ORANJESTAD(AAN)—Den conversacion cu Hulanda ayera anochi, redaccion a ser informa cu na e momento ey tin un investigacion tumando lugar na Amsterdam varios ora caba buscando un persona cu lo a tira doño di un crèche mata. E crèche lo tin tame yiunan di Antiyano y arubiano ta bishita, pero e caso a tuma lugar mas o menos un cuatro pa siete anochi.

Segun DIARIO tin entendi un di e prome preguntanan cu a bin dilanti tabata si Antiyano lo ta envolvi, y ora papia di Antiyano e arubiano tambe ta encera.

Diadomingo tambe Antiyano tabata prome cu a wordo menciona den un caso na Den Haag caminda un persona lo a kibra man di un polis, y segun e informante na DIARIO, despues di a tende e pregunta di tur ora si Antiyano ta envolvi, a bin haya sa cu e persona color bruin tabata un indio cu den un café tabata comporta su mes malo y ora cu un polis femenino a yega el a agredi e agente kibra su man tire abao y keda schop e. E homber tabata ademas ilegal na Hulanda.

Ayera e topico tabata e cantidad di tiramentonan cu tin den Amsterdam, principalmente e parti zuid caminda tambe tin hopi antiyano, arubiano y surinameo ta biba.

Den ultimo e luna tabata tin sigur un 15 caso di tiroteo aki y varios persona a wordo mata y mas tanto ainda herida, el a laga sa na redaccion.

Arubianonan ta cunsumi masha hopi ora tende cu lo ta un Antiyano ta envolvi locual ta result den mayoria di caso di no ta asina, pero parce cu esey ta prome cos cu ta pensa ariba.

El a laga sa cu segun polis mayoria di e tiroteonan ta casonan di pleito pa asuntonan di droga y otronan specialmente cerca hendenan di afo, ta relaciona cu conflicto di relacion of expresion cu no a wordo bon comprendi. No ta trata sinembargo di casonan di bandanan contra otro, el a laga sa y den esey masha poco sa tende nomber di Antiyano menciona.

- Advertisement -

DUNA COMENTARIO

Please enter your comment!
Please enter your name here