Home Deporte Aruba International PRO-AM Golf Tournament

Aruba International PRO-AM Golf Tournament

2
0
SHARE
- Advertisement -

golfORANJESTAD(AAN)— E Aruba Tourism Authority a tene un conferencia di prensa casual na Tierra del Sol Golf Course pa anuncia e di 15 Aruba Pro-Am Golf Tournament anual, cual lo tuma luga den fin di siman awo.

Binticuater ekipo lo participa, procedente di 10 pais, cu Merca, St. Thomas, Hulanda, Aruba, Corsow, Puerto Rico, Brazil, Venezuela, Colombia y Argentina entre nan.

E representantenan internacional di e Aruba Tourism Authority ya ta preparando pa e evento di golf aki di clase mundial door di tene “Copa Aruba,” un torneo local di golf, na nan paisnan respectivo.

E ganadornan di e torneonan local ey a wordo selecta pa hunga akinan na e Aruba International PRO-AM Golf Tournament, tumando luga di 19 pa 24 di Augustus na Tierra del Sol.

E Aruba International Pro-Am tournament, cual a cuminsa como e Johnny Walker Tournament, a cambia su nomber 8 aña pasa ora e Aruba Tourism Authority a tuma e torneo over como un evento di promocion internacional di Aruba como un destinacion di golf.

Asina mes, Johnny Walker y su distribuidor local, Aruba Trading Company, a keda e top sponsor conhuntamente cu Tropical Bottling, Caribbean Mercantile Bank y Suzuki, ofreciendo un auto pa e ganador di un hole-in-one durante e torneo di dos dia.

Registracion lo tuma luga riba diabierna na e club-house, cu un cuminsamento di shot gun programa pa 12:30 riba diasabra.

Yudando pa ricibi hungadornan durante nan estadia ta Radisson Aruba Resort Casino & Spa, Divi Village y Tierra del Sol su departamento di huur villa.

Algun top Pro di Golf ta programa pa hunga, manera Aaron West di Puerto Rico, Raul Sanz, di Venezuela y Jay Overton di Merca, como tambe e profesionalnan local di Tierra del Sol, Oliver Riding y Adam Williamson, y di Divi Links, James Kiley.

- Advertisement -

DUNA COMENTARIO

Please enter your comment!
Please enter your name here