Home Deporte Aruba ta haci historia poniendo nos bandera di Aruba den e paisnan...

Aruba ta haci historia poniendo nos bandera di Aruba den e paisnan cu e yega world series

9
0
SHARE
- Advertisement -

deporaruba1ORANJESTAD (AAN)— Un saludo na tur e amantenan di Baseball World Series 2009. Despues di hopi tension, un biaha mas e artistanan di Aruba a sa di domina nan nervio y a gana den e di siete entrada di Saipan cu e score di 5-3.

Aruba tabata tin na cuminsamento problema cu e pitcheo, y den e di 6 y 7 inning Aruba a cuminsa pone presion riba nos contrincante. Nos picheo tabata un biaha mas sublime y cu un tremendo fildeo su tras ta haci Aruba un equipo cu mester tene bon cuenta cune.

E coachnan ta spera cu awor e muchanan los nan bate pa di e forma aki kita un tiki di presion riba e radio-oyentenan, cu ta bisando cu e wega di Junior ta bai para hende nan curazon. Ayera a toca turno na Canada na cual ta mustra en equipo cu Aruba por bai gana tambe.

Den nos pool por a mira cu Aruba y Puerto Rico ta e candidatonan cu por pasa over pa e gran final. Nos mester recorda cu no lo tin kruis finale y cu lo mester pa hunga sigur 2 wega cu esun cu kier bira campeon di e pool International.

Nos mester recorda tambe cu Guia Deportivo lo cuminsa transmiti cu Amador y Chibi for di Bangor 8 or di anochi y via Taylor Michigan cu Alex Falconi, Elston , Martijn y Serio tambe pa 8’or di anochi..

Mayoria di nos transmisionnan lo bai ta riba banda 1270 AM, pero tambe lo bai tin transmisionnan cu lo por tuma na e banda di FM 107.5

Esaki naturalmente nos lo keda anuncia e medionan di prensa na cual nos ta gradici di curazon cu ta coopera no solamente cu Guia deportivo y tambe cu e pueblo di Aruba.

Siguientemente nos ta presenta algun potret mas di Taylor y cu e tremendo stadion di Detroit Tigers, na cual nos a bai mira un partido entre Kansas y Detroit.

Di e forma aki nos ta finalisa awe, bisando un y tur pa geef door na bo familiars, amigo y conocirnan pa hisa boso bandera como muestra di ta sostene nos muchanan cu ta representando nos pais dignamente.

- Advertisement -

DUNA COMENTARIO

Please enter your comment!
Please enter your name here