Asesino kier a drenta kia cu 8 celular
ORANJESTAD (AAN): Un asesino di fam R kende a mata un chines durante un atraco riba un restaurant na altura di warda di polis na Playa a bay bishita dokter na Centro Medico y el a probecha pa piki ocho celular.
E celularnan aki tabata bon scondi y tur cos ta mustra cu aki ta trata di un cos planea. E persona di CEA hopi atento a mira cosnan straño pasando. Nan a trece e preso aki pa asina bin busca atencion medico.
El a pidi pa bay baño pero dimes e porta ta keda parcialmente habri. Den e movecion straño den baño e personal di CEA a drenta y haye ainda ta sconde loke el a bin busca. A listre mesora y riba dje den su carson a haya ocho celular y un I-Pod. Tambe charger di telefon a ser haya.
Tur cos ta mustra cu na KIA tambe lo tabata tin hende lo ta warda riba yegada di e preso aki cu tabata tin caminda liber di KIA pa pasa. Loke e no a spera tabata cu e personal di CEA lo corta su caminda den prome salida.
Landsrecherche y Ministerio Publico ta investigando e caso aki y awor ta cuestion di algun dia pa pone man riba esnan den e plan aki pa drenta KIA cu aparatonan. Bon trabao di CEA cu no ta faya den nan transporte di preso.
