Home Economia Aumenta e porcentahe di BBO lo trece un desastre pa nos economia

Aumenta e porcentahe di BBO lo trece un desastre pa nos economia

5
1
SHARE
- Advertisement -

placaORANJESTAD (AAN) – Señor Leo Maduro, advisor di maneho di Camara di Comercio y Industria y Aruba, a splica den entrevista cu nos redaccion, cual ta e otro motibonan pa diversifica nos economia.

Entre otro, el a subraya cu ta un riesgo na momento cu tin un sector primario so manera den e caso di Aruba cu ta su turismo, y aworaki, mirando e perspectivanan cu tin riba e refineria si e ta sigui of no, ta urgente pa diversifica.

“ E refineria cu tabata nos di dos pilar, ta haci e urgencia di diversificacion mas grandi y Camara di Comercio ta trece den su vision tambe diferente propuesta dilanti pa mehora e clima di inversion na Aruba, cu ta algo sumamente necesario”, sr. Leo Maduro a remarca.

“ Nos ta kere cu talvez nos ta bon, pero si nos wak den e region kico otro paisnan ta ofrece na inversionistanan nan ta hopi mehor cu loke nos ta haciendo, y tin hopi punto cu nos por mehora”, Maduro a acentua.

El a splica cu un di e puntonan ta introduci un BTV. Esaki KvK a aconseha na 2006 prome cu introduccion di BBO, pasobra e tabata hopi mehor cu e ley aki cu ta cumulativo y ta haci daña na nos economia pasobra e tin un efecto di inflacion hopi fuerte.

“ Un BTV ta permiti bo gradualmente hise anto baha bo belasting riba entrada personal (inkomstenbelasting) y riba winsbelasting (ganashi empresa) y door di haci esey bo por crea un clima fiscal hopi atractivo y transparente cu ta bira atractivo, tanto pa ‘shore business’ como pa comercio local tambe.

“ Pues, bo ta crea un ‘lever plane field’ unda tur empresario paden y pafo y e ciudadano mes den forma di inkomstenbelasting ta haya mas di bisa di con e ta gasta su placa, pasobra gobierno ta haya entrada pero e ta haye na otro banda.

“ Esey no a sosode, y awor cu nos ta hinca cu un instrument manera BBO, cu enberdad no ta esun cu nos mester pa continua cune, pasobra un cos cu sigur no mester sosode pasobra e ta un desastre pa nos economia, ta aumenta e porcentahe di BBO, cu ta realmente ultimo cos cu un gobierno por haci”, sr. Leo Maduro a indica.

- Advertisement -

1 COMMENT

  1. Ken donder a bin cu e potret antanio e di cen rubiano?? E 5 florin bina e tin casi diez ana no ta circulando mas!!!!!!!!

DUNA COMENTARIO

Please enter your comment!
Please enter your name here