Home Economia BBO causa di desaster, awor nan kier subie na 6%

BBO causa di desaster, awor nan kier subie na 6%

5
0
SHARE
- Advertisement -

Mike EmanORANJESTAD (AAN): “BBO ta bay causa un inflacion grandi. Esaki kiermen pobreza y problema social na Aruba. Pueblo cu a perde hopi di poder di compra lo perde mas. Negoshinan ta bay haya nan mes den dificultad.

Nos hendenan ta bay perde entrada y cai atras cu fianzanan personal y hipoteca di cas”, esaki ta resulta awe e realidad, nos a adverti pa esaki. Cu compasion pa pueblo y determinacion pa sirbi nos pais nos a drenta un lucha grandi pa para BBO, e lider di AVP, mr. Mike Eman ta recorda. Awe nos ta biba e desaster di BBO y e deroche di placa di Gabinete Oduber.

“Nos a mustra cu prijs di costo pa produci awa y electricidad tambe lo worde afecta. Apesar cu no tin BBO riba awa y coriente e otro productonan cu WEB y Elmar mester si ta bay aumenta cu BBO, concequentement awa y electricidad tambe lo bay subi. Nos a analysa cu e unico cu ta sali beneficia di BBO ta e caha di gobierno.

Ora mira locual gobierno ta haya na entrada y locual supuestamente ta duna back ta bisto cu e introduccion di BBO no ta “budget neutraal”. Pueblo ta paga hopi mas cu e ta haya na compensacion. Pueblo ta bira mas pober y gobierno ta sigui haya mas placa pa malgasta. E pronostico aki a bira e amargo realidad, mr. Mike Eman ta bisa.

Tur instancia a duna nos argumento mas forza. Raad van Advies a bisa: “De Raad kan zich op grond van het bovenstaande niet met de doelstelling en de inhoud verenigingen en geeft u in overweging het onderhavige ontwerp niet aan de Staten aan te bieden”. Raad van Advies: “De regering beoogt 3.1% aan koopkrachtverlies te compenseren; de introductie van een 3% BBO, cumulatief, zou in Sint Maarten een prijsstijging hebben veroorzaakt tussen de 15 en 18%”

E compensacion di gobierno lo no yega. Banco Central tambe a alarma pa e concequencianan di inflacion cu BBO di 3% lo causa corda awor un di 6%. Ora analysa e cifranan cu gobierno a duna nos a yega na e siguiente conclusion.

Inflacion ta bay subi dramaticamente. E reduccion den impuesto di gobierno cu ta basa riba un inflacion di 3.1% nunca lo bay cubri e sla duro cu e aumento di costo di bida ta bay subi cune. Esaki a resulta awor e doloroso berdad, e lider di AVP, mr. Mike Eman ta mustra. Un inflacion di 10.2% Aruba a haya cu BBO di 3% corda awor cu gobierno ta preparando un BBO di 6%.

AVP a mustra riba tur e cosnan aki. Nos a cita Raad van Advies y Banco Central.

Aruba henter ta bira mas pober, nos a adverti y bay baricada pa scapa Aruba di esaki.

Nos a mustra tambe cu BBO ta bay afecta negoshinan y economia di Aruba.

“E lucha ta continua, BBO mester worde revoca y mester evita cu e gobierno cu kier aumenta BBO na 6% worde manda cas. Aruba lo mester conoce un rumbo nobo, e lider di AVP, mr. Mike Eman ta bisa.

Awe mas cu nunca nos mester haci e compromiso cu BBO mester bay. AVP a pone cifranan den un presupuesto alternativa con por elimina BBO, reduci gasto y inversion den alivio pa pueblo, den ensenanjansa, infrastructura, den asistencia social husto, un calidad di bida husto y bon pa pueblo.

- Advertisement -

DUNA COMENTARIO

Please enter your comment!
Please enter your name here