Home Deporte Bista riba e wega entre Aruba y Texas

Bista riba e wega entre Aruba y Texas

4
0
SHARE
- Advertisement -

baseball1ORANJESTAD(AAN)—Tirando un bista riba e wega di Diamars na Bangor caminda cu e equipo di Aruba a cai venci contra di Texas cu e score di 7 pa 4, e seleccion di Aruba a laga un total di 15 coredor den circulacion y cu no a probecha di produci pa anota careda.

Na tres ocasion nan ta yena base y no ta logra di anota suficiente careda ta trata den inning nan 4, 5, y 6.Pa loke ta trata nan bateo, nan a conecta un total di siete hit compara cu Texas cu 10 hit.

E manager a laga e pitcher Lynell Koolman bay tey cu seis inning pa despues cambie pa Lendl Dirksz cu a lansa solamente dos tercio di wega y Shakir Arrindell un tercio di wega.

Di e siete careda cu Texas a anota, cinco tabata na man di Lynell Koolman y dos na man di Lendl Dirksz y di e diez hit nan cu Texas a bati, ocho tabata na man di Lynel y dos na man di Lendl.

Contrario na e pitchernan di Texas, e manager no a tuma risico asina cu el a mira cu e pitcher habridor Michael Resnick a cuminsa tambalea den di cuatro den di cinco ya el a cambie pa Matt Luna cu a bay un inning di dos tercio di wega esaki tambe a worde cambia pa Kevin Roy cu a sigui cu e partido y a bay un inning y un tercio di wega.

Te na e momento cu e seleccion di Aruba a hunga na Bangor, Xander Bogaerts tin 4 hit den 6 turno, sigui pa Cedrik Sint Jago 6-3, Jair Bogaerts 4-2, Darwin Escobar 5-2, Jeandido Tromp 6-2, Edson Thiel 3-1, Lynell Koolman 7-4, e resto di hungadornan no a conecta di hit ainda esta Signarf Loopstok, Franco Wouters, Shurman Arrindell, Jermain Manuel, Shakir Arrindell, Nicklas Perrotte y Lendl Dikrsz

- Advertisement -

DUNA COMENTARIO

Please enter your comment!
Please enter your name here