Brazil Taekwondo Stichting su atletanan a haci her- y examen
ORANJESTAD(AAN)—Siman pasa Brazil Taekwondo Stichting su atletanan a haci her y examen. Algun atleta tabata tin her-examen, mientras tanto otro tabata tin examen pa e siguiente grado. Examen ta parti di e deporte.
Esaki ta pa wak si e atletanan a siña locual a ser duna na nan durante e 3 luna nan. Cada grado den faha ta nifica un cantidad di materia cu nan mester sa. E material ta consisti di forma, skopnan, technica, kibramento di palo, defensa propio, theorie y tambe mester bringa. Disiplina ta hunga un rol masha importante den un mucha.
E siguiente examen di Brazil Taekwondo Stichting ta dia 5 di Oktober, unda cu Henk Meijer di Hulanda lo duna e examen y e atletanan mester ta bon bon prepara si nan kier pasa examen.
Henk Meijer lo ta na Aruba den connection cu e Best of the best Power-Ade Cup 2009. Mester bisa si cu Brazil Taekwondo Stichting tin un reputacion. Mirando e interes den e deporte di Taekwondo na Brazil e ta grandi. E hoben nan ta demostrando cu nan tambe por.
Desde aña pasa Brazil Taekwondo Stichting ta poniendo hopi atencion den su atletanan y ta haci hopi pa su miembronan. Mirando cu otro aña Juli nan lo bay Miami pa un trainings camp cerca Juan Moreno kende ta e trainer national di merca y nan mester ta den top shape.
Aki por mira Sara Croes hunto cu Luis Tromp haciendo defenso propio. E hobencita Croes ta train desde su 6 aña cerca Brazil Taekwondo stichting y ta dunando e mucha hombernan hard time. Hasta hopi di e mucha hombernan tin miedo di Sara, ta ser bisa cu e ta scop hopi duro. E siman aki tambe e atletanan ta preparando pa e Gold Coast Cup.
