Home Politica Candidatonan di MPA a brilla y a inspira tur hende

Candidatonan di MPA a brilla y a inspira tur hende

4
0
SHARE
- Advertisement -

mpaORANJESTAD (AAN): Durante un anochi hopi alegre den presencia di un cantidad grandi di sostenedornan di MPA, e 28 candidatonan pa eleccion 2009 a keda presenta den un forma unico. Cada candidato na su manera a trece dilanti su vision y e gana pa traha pa un mihor comunidad. Tur esaki dentro di e plan grandi di gobernacion cu MPA tin.

MPA ta e partido cu den 2005 di apenas 3 luna a demonstra di ta un sorpresa den politica. Bao di e liderasgo di e abogado mr. Monica Kock, MPA a logra di bira den 2005 mes ora e di tres partido mas grandi di Aruba. Su lider, sra Kock cu 2700 voto (mas cu un asiento) a bira e di number 4 votegetter di Aruba. Logronan increibel si realisa e tempo cortico cu MPA tabatin.

Awe nos ta mira cu MPA ta sigui cu un speed increibel halto. MPA a crece bira un partido di 28 candidato. Candidatonan di eleccion 2005 y candidatonan nobo hunto ta demostrando nan forza pero tambe stabilidad. Ta bisto cu MPA ta creciendo birando un partido grandi. Pueblo por mira e crecemento. Pueblo por mira historia ta desaroyando dilanti nan.

E 28 candidatonan di MPA a ranca un multitud grandi di hende pa apoya nan. Cada candidato cu su propio carisma tabata sa di informa e publico presente ariba e diferencia cu MPA lo haci pa cu Aruba.

Tur presente tabata tin e oportunidad pa combersa cu e candidatonan y asina intercambia ideanan. Tabata visto cu e líder Monica Kock ta masha aprecia pa e pueblo. Como e prome y unico hende muher lider di un partido cu ta lider di fraccion den Parlamento, el a demostra caba di ta un líder verdadero. el a demostra seriedad y cu e ta traha duro pa e Pais Aruba.

Ta obvio cu e diferencia den politica cu MPA ta hiba ta uno refrescante y prometedor. Pueblo sigur ta sostene e política nobo di MPA. MPA ta bisa “stop di grita y ban traha. Fanfaria no ta trece solucion. Solucion ta bin solamente door di accion y traha duro den parlamento y den gobernacion.”

Diasabra ultimo tabata un anochi den harmonia y cu musica di Prive, cual porcierto a haci furor cu un cancion special cu nan a compone pa MPA. Tambe Rincon Boys a compone un cancion masha “hot” mes pa MPA cual “Bone” a canta Live ariba stage. Varios candidato a presenta nan jinglenan hopi “catchy” durante nan presentacion y MPA ta mustra di ta bay duro duro cu yen di energia pa traha pa Aruba.

Locual a resalta e anochi aki ta e lider Monica Kock rond di candidatonan tanto hoben, mediano y grandi di edad.

Nan ta profesionalnan, hende muher y hende homber cu enthusiasmo y hopi gana positivo pa traha. Esaki ta demostra cu enberdad MPA ta un partido na unda tur hende ta conta. MPA ta e partido cu lo traha pa Mi Pais Aruba y esaki sigur dia pa di ta mustra di ta posible!.

- Advertisement -

DUNA COMENTARIO

Please enter your comment!
Please enter your name here