Home General Caso di apelacion di laboratorio posponi

Caso di apelacion di laboratorio posponi

5
0
SHARE
- Advertisement -

criminal_justice_jurisprudenceORANJESTAD(AAN): Dialuna tabata poni riba rol di Corte di Apelacion e caso contra Yolanda V. y Jacqueline G., kendenan a wordo acusa di ta complice di falsificacion, uso di falsificacion, malversacion y labamento di placa, den e caso di laboratorio.

Nan a haya como castigo, e lunanan cu nan a sinta den detencion preventivo.Fiscal no tabata di acuerdo cu e castigo cu nan a haya y pesey O.M a apela.Huez for di un principio a bisa cu e caso lo no wordo trata.

El a splica cu desde cu Maiky Faro, e sospechoso principal den e caso aki a fayece, e pregunta tabata si e caso lo wordo trata.

A dicidi cu e caso lo wordo trata y abogado di un di e sospechosonan a pidi pa e testigo Cesar C. wordo scucha.

Abogadi Illes representando abogado David Kock pa tratamento pro-forma di e caso Dialuna, a splica huez dicon Kock kier scucha C.C como testigo.

El a splica cu durante cu señor Faro tabata cera na KIA, el a papia cu C.C kende tambe tabata cera y loke Faro a conta C.C por ta hopi importante pa e sospechosonan.

Fiscal a bisa cu si declaracion di e homber aki por ta importante pa e sospechosonan, e no ta bay contra e peticion, apesar cu faro mes no tey mas pa confirma cu ta berdad cu el a papia cu Cesar C.

Huez a bisa cu e caso aki lo wordo trata dia 21 di September y si mester lo continua tambe riba 23 di September.

- Advertisement -

DUNA COMENTARIO

Please enter your comment!
Please enter your name here