Home Policial Chollernan a horta den deposito di “The Sting”

Chollernan a horta den deposito di “The Sting”

1
0
SHARE
- Advertisement -

ladroniciasting1ORANJESTAD (AAN): Recientemente DIARIO a entrevista propietario di “The Sting” den Caya Grandi señora Nacha de Mey, despues cu Diasabra atardi den dia cla, Chollernan a drenta horta den deposito di e negoshi.

El a splica cu e hecho cu caya grandi ta bay di malo pa peor ta conoci caba y e hecho cu e chollernan pues ta haci desaster anochi tambe ta conoci, pero awor ta den dia cla mes e chollernan a cuminza causa problema y esaki ta un tiki dimas.

Awor ta den dia cla nan ta kibra drenta bo lugar y tira mercancia abao, segun sra de Mey.“Abiertamente nan ta horta den bo lugar awendia”. DIARIO a puntra e señora kico a sosode y con el a descubri loke el a sosode.

Segun señora de Mey, na parti patras di e negoshi tin un deposito chikito den cual tin mercancia warda, pasobra e tienda tin hopi mercancia.

Nan a drenta parti patras pues y cuminza tira mercancia abao den saconan di sushi y e empleadonan di Benetton cu ta patras di The Sting a wak y nan a avisa polis y propietarionan di e tienda.

Señora de Mey a splica cu e tin 30 aña den e negoshi aki y na varios occasion nan a bira victima di ladronicia, pero durante ultimo añanan esaki a bira peor den su lugar y otro lugarnan den caya.

DIARIO a puntra propietario di e tienda kico lo pro ta un solucion y el a bisa cu prome cos cu mester worde haci ta saca e chollernan for di centro di ciudad.

E Shelter mester sigui existi, pero na otro caminda y no den centro di playa, caminda tur e negoshinan ta.“Nos a pone hero y alarma tur caminda y nos no sa mas kico pa haci”, segun sra de Mey.

“Falta pa nos pone coriente riba dje”.DIARIO a puntra e señora si a perde hopi mercancia y el a bisa cu si.E no tabata sa ainda exactamente cuanto, pero esey lo worde determina pronto.

Ta algun saca di sushi nan a bay cune y nan a causa daña na mueble, bentana y otro partinan di e tienda su deposito.

- Advertisement -

DUNA COMENTARIO

Please enter your comment!
Please enter your name here