Home General Clarisca na Evelyne: Stop di engaña pueblo pa boso por haya voto!

Clarisca na Evelyne: Stop di engaña pueblo pa boso por haya voto!

0
0
SHARE
- Advertisement -

clarisca_velasquez_2009_a

ORANJESTAD (AAN): Evelyne cu a proganda asina tanto cu e ta bin den partido M.E.P. pa trece cambio a resulta di ta un enganjo pasobra e ta usando e mesun trampa di partido M.E.P. pa logra voto.  Esey ta loke Clarisca Velasquez di AVP, a indica den fin di siman.

Evelyne y su lider den nan afan pa gana eleccion september venidero ta malinformando pueblo di Aruba cu e meta pa haya voto. Nan ta bisando e pueblo cu si nan vota pa A.V.P. nan ta traidor di patria y A.V.P. ta contra Status Aparte ta un mentira flagrante.

E lucha di Status Aparte ta netamente di partido A.V.P. desde añanan trinta ta su partido M.E.P. ta esun cu ta bringa Hulanda y ta contra pa nos tin lasonan cu Union Europeo.

Ta skirbi articulo pa malinforma pueblo tocante  e zetelsverdeling di 12-8 cu e sa masha bon cu e ta trociendo e berdad y no ta manera el a skirbi anto e kier pretende cu e kier trece un otro sorto di politica den su partido.

Pueblo sa masha bon yiu di ken e ta y kico su intencion pa subi lista ta. Den su famia no tin otro cu lo por sigui e omo cu ta e minister di Husticia di mas malo cu nos a yega di conoce hunto cu su tata cu tambe tabata un desaster tempo cu e tabata minister di Husticia riba e partido di famia.

Ta M.E.P. ta e partido cu ta pone nos Status Aparte na peliger bringando constantemente cu Hulanda y kibrando lazonan como partner den Reino Hulandes.

Ta netamente su omo esta Rudy Croes cu constantemente tabata pega barco cu Hulanda expresando barbaridad poniendo asina nos autonomia na peliger. Ta Rudy Croes conhuntamente cu e lider di M.E.P. ta esnan cu cada vez ta papia di independencia.

E eleccion venidero ta pa eligi nos representantenan di pueblo den parlamento. Den un futuro ta nos pueblo lo mester determina pa medio di un referendum kico a nan lo ta desea pa nos dushi Aruba.

Pueblo di Aruba no laga e hendenan aki engañabo pasobra A.V.P. ta boga pa bon lazonan cu Hulanda y  Europa.

Lo que ta trata di Evelyn Wever Croes, esaki ta e ultimo persona aki na Aruba cu bo por confia paso loque e famia aki ta busca ta un independencia total for di Hulanda, y pa despues introduci, e paspoort Arubiano pa tur hende. Ariba e kaft di e paspoort lo indica pa nos lo siguiente, paspoort di pais Aruba, anto friends and Family lo haya esun cu ta indica Paspoort di pais Aruba diplomaat.

Consecuencia: Tur Hulandes Europeo, Americanonan y otro nacionnan cu a invest semper na Aruba lo bandona Aruba, Hotelnan lujo tur lo desaparece, si keda uno por ehemplo manera RIU Hotel esey lo ta suficiente pa genera placa pa Friends and Family por sigui fiesta y biaha cu nan Paspoort diplomaat. Esunnan cu tin e paspoort simpel di Aruba lo tin cu bay pidi VISA pa biaha pa cualquier parti di mundo.

Nos tur sa historia di paisnan manera Haiti, Georgetown Guyana, y mucho mas otro paisnan den Azie, Africa y Oost Europa con lidernan politico a coi e sernan humano cabez abao exactly manera su persona, su tata y MEP ta purbando di haci aki na Aruba. Su campaña ta e continuacion di e plan di su famia y MEP, esta Independencia completo for di Hulanda. Bo (so) ta peligroso. Con un hende por pone su futuro den BOSO MAN? Mi ta spera cu esaki bo por dicidi di keda keto pa e 4 siman venidero y bo stop di papia di Status Aparte y di e autonomia di Aruba.
Den boso desesperacion pa gana eleccion ta falta pa boso haci propaganda cu stem y figura di Betico q.e.p.d. pa asina hunga cu sentimento di nos pueblo. Pueblo di Aruba no laga e hendenan aki engañabo pa asina nan haya bo voto. A.V.P. ta un partido cu semper a boga pa lazonan estrecho cu Hulanda y tambe cu Union Europeo y pueblo lo por ta sigur cu despues cu A.V.P. gana eleccion pueblo lo bay sinti un aire di cambio den e lazonan cu Hulanda y Union Europeo cu ta na bienestar di nos tur.

- Advertisement -

DUNA COMENTARIO

Please enter your comment!
Please enter your name here