Home General Colegio Arubano San Nicolas ta worde drecha cu plaka di Plant NV

Colegio Arubano San Nicolas ta worde drecha cu plaka di Plant NV

2
0
SHARE
- Advertisement -

ORANJESTAD (AAN): Na aña 2006 Parlamento di Aruba via un mocion a amienda un suma di 2.6 miyon Florin pa renovacion y mantencion di Colegio Arubano.

E tempo ey a yega na acuerdo cu 540 mil Florin lo worde aloca pa e problema di awa cero y pa drecha e tereno di Colegio Arubano na Oranjestad. E resto di placa lo a worde aloca segun un rapport traha door di miembronan di rectorado sr. Chando Pieters y sr. Jossy Tromp.

E rectorado a dicidi cu e placa lo worde destina pa Plaza Pa Jos, lokaalnan, gymzaal y electricidad di lokaalnan di Colegio Oranjestad. E rectorado no a aloca plaka pa a drecha Colegio San Nicolas.

Den diferente reunion a haya e peticion cu Colegio Arubano San Nicolas mester worde drecha, pasobra e tabata den un estado deplorable. Sinembargo pa falta di fondo no por a haci esaki di biaha.

Aña pasa ora gobierno di Aruba a ricibi for di Hulanda e placa di Plant NV, y pesey a pone mantencion y renovacion di Colegio Arubano San Nicolas como prioridad.

Esaki ta e motibo pakico e studiantenan di Colegio Arubano awo mester haya les na YMCA y school di Arte San Nicolas. Colegio Arubano San Nicolas awor ta worde renoba cu e placa di Plant NV. Un suma di 1 miyon ta pa drecha Colegio San Nicolas.

E meta ta pa Colegio Arubano San Nicolas lo bira un school completo cu su klasnan pa HAVO bovenbouw.

Gobierno ta haci un apelacion fuerte tanto riba DOW como Departamento di Enseñanza, kendenan ta encarga cu e supervision pa esaki tuma lugar segun e schema planea, pa asina e studiantenan di Colegio Arubano por muda mas pronto posibel pa nan edificio nobo di Colegio Arubano San Nicolas.

- Advertisement -

DUNA COMENTARIO

Please enter your comment!
Please enter your name here