Home Politica Conseheronan MEP ta desaconseha Nel Oduber pa haci otro parada

Conseheronan MEP ta desaconseha Nel Oduber pa haci otro parada

6
0
SHARE
- Advertisement -

mepORANJESTAD (AAN): Segun informacionnan ricibi e conseheronan politico di Nel Oduber y di MEP ta desconsehando e partido pa haci otro parada. Berdad cu MEP tabata hopi entusiasma cu e parada cu nan a organiza prome cu entrega di lista, pero ora cu nan a mira e parada di AVP nan no por a kere nan wowo.

Tabata pa MEP no solamente un shock mortal di e grandura di e parada, pero e cantidad di hendenan y autonan cu tabata para banda di caminda pa saluda e parada. Si tur e autonan aki a subi caminda, Aruba su careteranan no por a carga nan.

E susto mas grandi segun e conseheronan aki cu den parada di AVP hopi ta e palancanan di MEP cu a participa e dia aki y esaki a haci e partido hopi dolor.

Por a mira cu e propio MEP, radio di Sta Cruz y e corant di Sta Cruz cu un record di 500 y pico auto a keda registra pa e parada di MEP.

No ta AVP, ni DIARIO a bisa, ta e unico cu DIARIO a constata cu e parada di MEP tabata yena cu trucknan grandi y trailernan super grandi y ariba nan algun mucha chikito y nada mas, ta e propio Mepistanan, principalmente ariba menciona a declara cu un record di 500 y pico auto a keda registra, cu pa nan te na e momento ey tabata un record mundial.

Ora cu nan a mira esun di AVP cu a conta cu mas di 3000 auto, sin conta e miles y miles di autonan para cant’i caminda, pero ful dorna na berde, nan a spanta.

Den bobedad di Nel e ranca declara mescos cu e radio y corant di Santa Cruz cu den parada di AVP tabata tin 500 auto di huur, cu otro palabra nan mes ta acepta cu e autonan aki ya caba a kibra e cantidad di e parada di MEP.

Esta bobo Nel atrobe di papia sin pensa. Hopi Arubiano a huur un auto pa miedo di e hendenan di MEP cu ta conoci pa tuma represaya. E autonan aki tabata yena cu Arubiano cu por vota. Kisas hopi hende di color, negro manera Nel y su grupo a yama nan, pero nan tin derecho di voto y nan a nace ariba e pida baranca aki.

Awor mirando e magnitud di e parada di AVP y cu esaki a sobrepasa esun di MEP pa miles y miles di auto, e conseheronan di MEP ta desconseha e partido pa tene otro parada. Ta hopi tristo y ta desastroso cu MEP subi caminda cu 500 auto menos, esaki ta nan base, y keda ridiculo. Esaki ta nifica un fin na e dinastia di Nel y Mep.

Segun e propio conseheronan di MEP biaha pasa MEP a bay atras cu 7 %, ta cu restzetel nan a logra 11 asiento y e biaha aki nan mes ta calcula cu MEP lo bay cu 30 % atras, tumando na consideracion e bagamunderianan cu a tuma lugar den e di dos periodo di gobernacion di MEP, principalmente e BBO cu a haci Aruba mas pober. Aruba mas cu nunca ta disgusta y esaki ta bon conoci cerca MEP. Pesey mes un parada di un asistencia pober lo hiba MEP na e derota di mas grandi di e historia di politica di nos pais.

Ta pa e mes motibo aki nan a core cancela e parada cu mester a tuma lugar e siman aki. Otro desventaha cu MEP tin awor ta cu apesar cu MEP ta den Gobierno hopi ta e comerciantenan cu tabata aportando cu e campaña di MEP, no ta hacie mas y hasta nan ta nenga e candidatonan di MEP, pasobra nan sa cu MEP lo no bolbe mas ni e biaha aki y nunca mas y lo disparse pa semper mescos cu PPA. Pa e siguidornan fiel, principalmente e conseheronan e parada ta conta cu un NO grandi.

- Advertisement -

DUNA COMENTARIO

Please enter your comment!
Please enter your name here