Home Politica PDR ta exigi pa pone destaho publico di waf na barcadera on...

PDR ta exigi pa pone destaho publico di waf na barcadera on hold

3
0
SHARE
- Advertisement -

PDRORANJESTAD(AAN)– Na ultimo ora a ricibi un comunicado di Democracia Real den cual nan ta bisa cu Democracia Real (PDR) a tuma nota di e boletin cu Sr. Parish a manda pa trahadornan di Valero, informando nan cu e Refineria a sera indefinidamente, te ora haya otro comprador of condicionnan di Mercado mehora.

E posicion tuma pa e refineria a cuminsa costa nos trahadornan nan trabao.
A base di un strategia di desaroyo di San Nicolas cu Democracia Real tabata preparando, como un scenario di rescate di San Nicolas, den caso cu Refineria sera definitivamente y no tin otro compania interesa, PDR ta lanza un peticion urgente pa para tur decision di destaho publico of plannan di muda waf pa Barcadera, te ora cu e ultimo esfuerzonan ser hasi pa rescata e refineria di un ciere definitivo.

Considerando e impacto di cualquier decision encuanto di e Refineria actualmente, Gobierno di MEP lo mester laga cualquier decision di benta of continuidad di e Refineria y cambio den contract, pa e proximo Gobierno.

Democracia Real lo sinta na mesa cu e gerencia Refineria y su eventual propietario nobo pa yega na un pakete di belasting cu ta duna Aruba su husto compensacion pa e sosten cu e pais ta duna e operacion aki. Pero, e no mester ta algo cu ta perhudica e refineria su competitividad internacional.

Sin embargo, como un partido visionario y cla pa maneha cualquier crisis, PDR ta exigi cu mester laga e opcion habri cu San Nicolas por bira e waf di container y sede nobo pa Zona Liber, caminda cu hopi tereno cu actualmente ta ser ocupa pa tuberianan, tankinan y machinnan plantanan di refineria, lo por ser pavimenta pa por carga containernan ariba dje.

E Power House nan lo por sigui funciona pa duna San Nicolas y becindario coriente y hunto cu e mulinanan di biento di Vader Piet, via de red di WEB y ELMAR, pa resto di Aruba.

Sin e Refineria San Nicolas lo por habri su costa pa lamar cu un waterfront boulevard conectando Zeewijk (patras di brandweer) te cu First Avenue di Colony. Tanto ariba cliff na Rodger´s Beach y na Baby Beach tin oportunidad inmediato pa desaroyo di turismo cu Boutique Hotel chiquito, creando asina e maximo cantidad di oportunidad di negoshi pa nos propio hendenan di San Nicolas y Aruba.

E recuperacion por dura algun aña, pero e lo bin! San Nicolas y Aruba port a trankil cu PDR den Gobierno.

E resultado por ta un San Nicolas cu un Waf di Container, Zona Liber, empresanan di distribucion di mercancia, Produccion di Coriente (dos power house) y Turismo.

Sin embargo y concluyendo: Democracia Real semper ta prefera pa e refineria keda habri, opera di manera eficiente y contribui cu desaroyo di San Nicolas y Aruba.

PDR lo negocia te na ultimo pa por logra esaki, cu un prioridad pa Aruba haya un fair share di belasting pa e responsabilidad cu e pais ta carga y pa e Refineria contribui maximalmente, den su posibilidadnan economico.

- Advertisement -

DUNA COMENTARIO

Please enter your comment!
Please enter your name here