Home General Den negociacion di CAO nobo, lo enfoca riba e balor di e...

Den negociacion di CAO nobo, lo enfoca riba e balor di e empleado

1
0
SHARE
- Advertisement -

ORANJESTAD (AAN): Diahuebs DIARIO a entrevista Clifford Heyliger di sindicato SIWA, relaciona cu un situacion cu a presenta na WEB.Segun Heyliger, e sindicato a yama un reunion pa papia cu e trahadornan riba algun asunto, incluyendo CAO y algun asunto interno.

El a splica cu WEB ta un famia y mescos cu tur famia, nan tambe tin nan problemanan familiar.Entre otro ta papia riba e hecho cu tin biaha no ta compronde otro y riba con cos por bay mihor.Heyliger a bisa cu door cu tin algun asunto cu ta afecta trahadornan tambe, a dicidi di trece esaki dilanti pa nan sa kico e sindicato a haci, unda e sindicato ta para y kico ta e proximo pasonan.

A papia riba con e relacion ta cu gerencia di WEB y riba e CAO cu ta bay caduca e aña aki, pues ta importante pa determina con ta bay ‘deal’ cu esaki.

DIARIO a puntra Heyliger con e relacion ta cu gerencia y el a bisa cu mescos cu den tur famia, e tin su ‘ups and downs’.

Actualmente e relacion ta den su ‘downs’.E sentimento ta cosnan no a bay manera mester bay y no a cumpli cu reglanan manera mester ta.Pesey tin un diferencia di opinion hopi fuerte riba esey y mester wak awor kico ta bay worde haci.

E tin hopi di haber cu e situacion di promocionnan y e oportunidadnan pa crecemento den e trabao.Door cu e asuntonan aki ta afecta miembronan di SIWA directamente, a dicidi di papia riba nan.

Mirando cu pronto WEB ta bay haya un hefe nobo, DIARIO a puntra Heyliger di den WEB mes no tabata tin un hende capacita pa tuma e puesto aki y el a bisa cu si.

Segun Heyliger e sindicato a abstene di e asunto ey, pasobra nan no tabata kier ningun influencia y nan no tabata kier tampoco pa politica tin influencia den e proceso.

Nunca bo por ta 100% siguridad cu politica no ta envolvi, pero si bo wak e calificacionnan di e persona, e ta apto pa e puesto.DIARIO a puntra Heyliger con preocupa e trahadornan ta actualmente.

El a splica cu e miembronan di e sindicato ta contento cu SIWA a reuni cu nan y nan ta dispuesto pa sigui e sindicato completamente.SIWA tin sosten di tur su miembronan pa loke e sindicato lo bin cune.

SIWA ta bay topa cu su miembronan poco poco, pa informa nan riba asuntonan di CAO y asuntonan coriente.

DIARIO a puntra Heyliger tambe ki dia lo cuminza negocia e CAO nobo.El a splica cu e CAO ta caduca na fin di aña y na September e director nobo ta drenta su funcion.Mas trempan cu e negociacionnan por cuminza ta October.

E director mester haya tempo pa prepara su mes debidamente.DIARIO a puntra Heyliger si lo negocia entre otro mas tanto riba entrada di e empleadonan.

El a bisa cu e entrada ta bon, pero como pais en general nos tur a experiencia cambionan cu ta afecta nos saco.Mas cu esey lo enfoca riba e balor di e hendenan den e organizacion y lo kier wak esaki back den e CAO.

- Advertisement -

DUNA COMENTARIO

Please enter your comment!
Please enter your name here