Home Policial Despues di 8 aña a bolbe aruba y e ta sera na...

Despues di 8 aña a bolbe aruba y e ta sera na KIA

415
0
SHARE
- Advertisement -

potrehuyprisonORANJESTAD (AAN): Informe cu DIARIO ta dispone di dje desde cu el a logra di huy tabata indica cu Jairo a logra bandona Aruba y a drenta teritorio Venezolano. No tin informe con y kende a yude pa e por a logra huy pa autoridad cu tabata buske. Aparentemente via di boto e a logra drenta Venezuela cu intencion pa no sigui sinta su castigo den KIA.

Pero e no a keda mucha den libertad, debi cu autoridad Venezolano a detene y a encarcele. Mientras tanto el a worde manda pa Aruba y poni den man di autoridad Arubano.

Jairo a worde condena pa 8 aña di prison debi di a comete delito serio relaciona cu atraco . Durante ta sinta su castigo, hunto cu otro detenidonan a bay haci trabao relaciona cu mudamento di Departamento Labor, y ey na un dado momento Jairio a probecha di a baha na awa.

E fecha cu Jairo Alejandro Chalgut a logra huy ta 16 di Juli 2001, ora e tabatin 30 aña y e tabata bisti cu flanel color biña su cabey ta geflegt yena cu kralchi, su color di cuero ta bruin y e tin postura delega tabata e prome informe cu a worde suministra pa autoridad local. Esaki a socede 8 aña pasa!

Desde e tempo ey ningun hende no sa di su paradero di Jairo. Pa basta aña aparentemente Jairo a keda scondi den exterior, parce cu e tabata tin contacto cu algun conocirnan na Aruba. No por haya confirmacion pero hasta placa lo tabata manda pa Jairio pa asina e por a sigui den libertad pero no bashi.

Con y kico a socede exacto cu direpiente Jairio despues di tanto aña a keda den libertad den exterior indocumenta ya manera ta conoci si el a logra saca for di husticia y Aruba 8 aña a pasa esaki ta nifica cu su pasaporte a caduca.

Consecuentemente sin pasaporte sin otro documento e ta hopi dificil, pero parce cu e kier a regresa Aruba y recientemente autoridad Venezolano a percura pa e regresa den man di autoridadnan local y actualmente e encarcela den KIA pa sinta su condena.

Sin duda alguno, Jairo por skirbi un buki di su escape y conta con el a logra di keda 8 aña largo den exterior sconde biba evita di worde gara pa e sigui sinta su castigo di 8 aña.

- Advertisement -

DUNA COMENTARIO

Please enter your comment!
Please enter your name here