Home General Edificio di partamentonan a scapa di un bon candela

Edificio di partamentonan a scapa di un bon candela

0
0
SHARE
- Advertisement -

candela1 ORANJESTAD (AAN)—Diahuebs mainta alarma a wordo bati pa un supuesto explosion den e compleho di apartamentonan den De La Salle straat na playa. Mesora unidad di tanto Brandweer, Polis y Ambulance a core bay pa e sitio di e explosion.

Na e lugar ta bin topa cu un multitud di habitantenan para pafo ta wak con candela ta azota un di e cambernan. Mesora persona di Brandweer a drenta den accion y a preveni cu e candela e sigui expande pa e otro apartamentonan.

Na e sitio di e sinister, por a mira personal di Arugas tambe, kendenan a duna un explication cu e apartamentonan ta conta cu un sistema di gas pa tur e apartamentonan, pero cu ya den siman, tabata tin yamada pa bin revisa un parti di e apartamento nan aki, ya cu ta mitar di e apartamentonan so tin gas y e otro mitar no.

Debi na esaki, personal di Arugas tabata labora mainta trempan ariba e sistema y a bin encontra cu e fayo, cual tabata un cranchi cu a wordo cera. Tur e habitantenan a wordo avisa pa cera na cranchi di e apartamentonan, pero aparentemente caminda cu e candela a origina, e persona cu ta biba eyden, envez di e cera e cranchi, a habri esaki, ya cu e cranchi tabata cera ya caba y posiblemente pasobra cu ela kita e slang di gas for di e boter, esaki lo a laga gas bay den e apartamento te haci un explosion ya cu a haci uso di stoof electronico.

Den un combersacion cu un miembro di Brandweer, ela conta e mes un historia na reportero di DIARIO. Awo no ta e idea di kier ta critico of ta play cu sa mas, pero tin algun punto cu a hala hopi atencion. 1) Si e candela a origina debi na e stoof di coriente, conbin cu ta e set di sala, ta caminda por mira cu mas e candela a sofoca? 2) Dicon si e candela a origina den e cushi debi na e stoof electronico cu lo a topa cu e slang di gas, cu e slang di gas ta intacto y tur loke tin rond di dje tambe? 3) con bin e sistema di sprinkle no a bay ON, anto pa colmo teniendo un pool grandi na banda di e edificio.

4) Con por ta posible cu keto bay ta permiti e boternan chikito di gas wordo instala den un vivienda ? 5) Acaso no tin un departamento cu ta controla tur e situacionnan aki, cu por a causa bida di hopi inocente? Conclusion ta cu posiblemente e candela lo a origina den e banda panoord di e set di sala ya cu ni sikiera e set di sala a logra di kima completo, forzando e candela manda su lenganan direction di e dak cu a logra di cende e shingles nan cu na su turno a causa hopi daño debi na e calor cu ta Sali di dje.

Mester menciona cu ta danki Todopoderoso cu e candela aki a cuminsa den oranan di den dia y cu tabata hende cu a nota esaki y cu Brandweer a logra di paga e candela aki rapidamente. Den casonan asina e por e resulta hopi fatal si no a actua rapidamente. Awor ta spera cu e instancia concerni, stop di core den airco pariba pabou y cuminza pone man duro cu control riguroso, caminda tin e apartamento nan aki ta wordo habita. Un biaha mas nos kier enfatiza, cu nos no ta experto, pero dado momento mihor preveni cu lamenta.

- Advertisement -

DUNA COMENTARIO

Please enter your comment!
Please enter your name here