Home Politica Edmond Croes mentalidad putri cu awe ta topa su berdad!

Edmond Croes mentalidad putri cu awe ta topa su berdad!

2
0
SHARE
- Advertisement -

copiajosygrandeTur dia e hendenan cu ta cobrando centenares di mil florin di pueblo na un manera inhusto tin nan boca yen papiando malo di hendenan honesto integro y drechi. Awo cu nan berdad ta saliendo nan ta mustra nan berdadero cara. No tin palabra pa describi nan reaccion riba nan berdad.

Ta atrobe tur hende ta carga e culpa menos nan mes pa loke nan ta haci. Sinembargo ta parce cu nan ta cuminza sinti kico nan a haci inhustamente contra un cantidad di ciudadano Arubiano. Placa gana deshonestamente no ta haci feliz. E berdad ta dal duro. Nan a gaña asina tanto riba otro hendenan keriendo cu nan por a keda sconde tur nan bagamunderianan.

Den e dianan aki DIARIO ta publicando un tras di otro e sumanan cu famia di Edmond Croes ta ricibiendo di Lotto pa Deporte. E reaccionnan cu DIARIO ta hayando ta cu hopi hende ta haye casi imposibel pa kere kico nan wowo ta mira. Hustamente esnan cu ta ofende otro tur dia sin base awe ta resulta e berdadero abusadornan, piratanan cu ta tira atraco tras di atraco riba e placanan di lotto.

Nan a kere cu tur loke nan ta haciendo lo keda secreto pero e inhusticia cu nan ta cometiendo ta pone cu testigonan cu ta traha den e sector di Lotto pa Deporte y cu a wak cuanto maldad tin rond di e dirigentenan di MEP a cuminza harta di e abuso y a bay ta percurando pa e maldad worde castiga.

No ta manera Radio Riool ta anuncia cu Edmond y su famia como Arubiano lo no ta permiti pa gana placa. Alcontrario, DIARIO lo bringa semper pa Arubianonan haya tur oportunidad pa gana placa riba nos isla.

Pero, gana placa na un manero honesto. Loke DIARIO ta contra ta cu un grupo chikito di e top di MEP ta esnan cu na un manera incorecto ta gana centenares di mil florin mientras un parti grandi di nos pueblo ta sufriendo seriamente pa motibo di e mal maneho di e gobernantenan di MEP.

Tur e placa cu gobierno ta ricibi ta bay di un of otro manera pa e grupo chikito di friends and family y ora placa caba ta mas medida ta bin riba lomba di esnan mas vulnerabel den nos comunidad.

DIARIO ta condena energicamente e practicanan aki. E documentonan di banco publica riba e pagina aki ta mustra cuanto placa ta worde paga na Edmond Croes y su hendenan mientras cu schoolnan no por habri drechi pasobra no tin placa pa enseñanza di nos muchanan. Sumanan fabuloso ta bay den saco di Edmond y su famianan mientras cu tin muchanan ta bay school sin come pasobra nan mayornan ta den dificultadnan grandi pa motibo di e gobierno di MEP.

A bira tipico di e hendenan di MEP cu nan a perde tur sintimento di sernan humano. Dolor grandi den hopi famia directamente door di e maldad di nos gobernantenan y un Edmond Croes cu tur dia tabatin su boca yen contra di hende drechi awo ta yora pasobra DIARIO ta publicando e abuso cu ta tuma luga cu placa cu por a bay pa enseñanza of deporte pa nos muchanan.

E pueblo di Aruba a cuminza mira di cerca awo kico ta sosodiendo bao di e gobierno di MEP hunto cu nan famia y amigonan. Edmond Croes miyonario corupto riba lomba di nos pueblo, pero boca yen di otro. DIARIO ta priminti cu e lo keda activamente pa mustra pueblo riba e berdadero atracadornan criminal! Keda pendiente pasobra tin hopi mas pa bin den e dianan aki!

- Advertisement -

DUNA COMENTARIO

Please enter your comment!
Please enter your name here