Home Economia Empleadonan preocupa cu posibel paro di operacion di time share

Empleadonan preocupa cu posibel paro di operacion di time share

3
1
SHARE
- Advertisement -

emplelacabanORANJESTAD (AAN): Diahuebs a tuma lugar un caso na corte di husticia, den cual Blue Green Corporation di Merca a pidi un abogado purba para deportacion di su empleado Garret Ulewicz, kende a bin Aruba aña pasa y a yuda drecha e situacion di time share di La Cabana.

Despues di un control di autoridadnan local, a sali na cla cu ULewicz na diferente occasion a keda Aruba mas tempo di cual tabata worde permiti, sin pidi pa esaki oficialmente.

Ademas di esaki a worde constata cu e lo tabata trahando sin permiso di trabao, mirando cu e no a ricibi contesta ainda pa su peticion pa tal permiso.

Huez a dicta Diahuebs cu conforme orden di Minister di Husticia, Ulewicz mester bandona Aruba awe.

Varios empleado di La Cabana a bay corte pa sostene Ulewicz, mirando cu nan ta sinti y nan lo a haya un indicacion cu si Ulewicz no worde permiti di keda Aruba pa sigui duna training y guia operacion di e seccion di Time Share di e hotel, Blue Green muy probablemente lo dicidi di para e operacion y esaki lo pone cu por lo menos 70 mama y tata di famia lo perde nan trabao.

Awor e grupo grandi aki di empleado ta hopi preocupa pasobra nan no sa kico ta bay pasa, awor cu Ulewicz ta bay worde deporta.

- Advertisement -

1 COMMENT

  1. Waw! Dia pa dia e situacion na e hotel ey ta bira pio.
    Con por ta posibel cu e homber aki a traha na nos isla sin permiso y sin estadia? pa otro nan esaki hamas lo por wordo priminti, pero paso e ta mericano esaki ta wordo surpasa, ta bon mes nan a check e saki y fix e despues di un anja!

DUNA COMENTARIO

Please enter your comment!
Please enter your name here