Home Economia Errol Cova a causa danjo na turismo di aruba

Errol Cova a causa danjo na turismo di aruba

10
0
SHARE
- Advertisement -

turistaORANJESTAD(AAN):Un berguensa y daño grandi na turismo di Aruba ta loke e sindicalista y lider politico di Curacao Errol Cova a comete dor di su gritonan den un restaurant hopi famoso den wilhelminastraat.

Manera custumber Rudy Croes su parandanan ta cuminsa trempan den fin di siman y hopi biaha te hasta den siman. E no ta e mihor ehempel como minister di husticia sigur ora bo ta core auto bao influencia.

Diabierna e minister y Errol Cova a topa den e restaurant famoso y despues a yama algun miembro di prensa yega na gobierno pa bin atende un conferencia di prensa.

E miembronan di prensa ta netamente esnan cu e minister sa cu ra djis graba sin haci pregunta.Errol Cova a hiba palabra y el a cuminsa haci un desorden cu a trece un intrankilidad total den e restaurant.

Cuater turista na mesa na dado momento no por a sigui cu e desorden ey. Un di nan a lanta y bai reclama.

Cos no a bai facil pasobra e reclamo no a stroba Errol Cova di sigui grita y causa mas daño na e turismo di nos isla.

Finalmente e turista te hasta a lanta bai pafor di restaurant. A papia cu nan y nan a bai paden bek. E disgusto a keda y na dado momento e turistanan a sali bai y keda sin come. Esaki no ta algo bunita pa e imagen di Aruba y un disculpa di Errol Cova ta na su lugar.

Mientras tanto Rudy Croes a keda manera un boca abierta na lugar di atende cu Errol Cova riba su forma di papia.

Ora cu e turista a bin reclama te hasta un colega di prensa liga directamente y ciegamente na e gobierno na mando a core bisa e turista cu ta minister di husticia etc. E turista a mustre cu esey no ta interese.

E miembro di prensa femenino kier a pidi pa yama polis pa e turista. Increible e mentalidad di e hendenan di prensa y e politiconan e momento ey. Cosnan asina no mester sosode pasobra un simpel caso asina tin un efecto multiple riba nos isla. Spera cu Errol Cova den futuro cu e bin Aruba sa di comporta su mes y no causa daño na nos isla.

- Advertisement -

DUNA COMENTARIO

Please enter your comment!
Please enter your name here