Famia a sali keiro y diripiente yiu homber su fuse a bula
ORANJESTAD (AAN): Na Montaña diabierna anochi central di polis a instrui patruya Noord pa bay atende problema familiar.
E patruya cu a presenta, a resulta cu tata, mama y yiu homber a sali keiro. Durante di keiromento tur cos tabata bay bon, pero na caminda un dado momento a sosode discusion cu a sali for di man.
Yiu homber di e pareha su fuse a bula y a start un pleitamento formal. Polis a intermedia pa trece tranquilidad, pero e yiu homber inicialnan R.A.C. di 31 aña tabata histerico y probablemente e lo por tabata bao di substancia y no tabata comportando su mes.
Na dado momento hasta el a expresa menaza den direccion di tanto su tata y mama, esaki a sosode dilanti polis.
A detene mesora hibe warda Noord. Fiscal auxiliar a ordena pa encarcele te ora e calma, lo a papia cune riba su comportacion.
