Home Hudicial Fiscal van der schaft interoga den caso di Michael Williams

Fiscal van der schaft interoga den caso di Michael Williams

16
0
SHARE
- Advertisement -

ORANJESTAD (AAN): Relaciona cu e peticion pa cuminza un caso di daño y perhuicio contra Gobierno di parti di Michael Williams, tin un investigacion andando.

Williams ta haya cu henter e asunto rond di detencion y castigo di su yiunan y e manera con a listra den su cas na diferente occasion, ta persecusion politico, entre otro pasobra el a trece dilanti algun acusacion serio contra Gobierno di MEP, entre otro pa loke ta e asunto NAMDAR.

Durante interogacion di diferente persona relaciona cu e caso cu Williams kier cuminza, a puntra entre otro hefe di recherche tocante di mencion di un lista di nomber di persona di Gang di Dakota, mirando cu segun Williams e hefe di recherche aki sa di existencia di tal lista.

Abogado di Williams Gabri de Hoogd a haci peticion tambe pa scucha fiscal van der Schaft tocante e asunto aki, mirando cu e tabata e fiscal encarga cu ultimo caso di Gang di Dakota, di cual a worde bisa pa autoridadnan cu e dos you hombernan di Williams ta pertenece.

Diahuebs tabata e dia cu Fiscal van der Schaft a worde interoga na corte di husticia.Na final di su interogacion DIARIO a para pafo pa saca su potret, pero e fiscal a sali for di un porta patras di corte.

DIARIO a busca abogado de Hoogd pa un entrevista tocante e interogacion aki, pero no a logra haya contacto cune.

Lo sigui haci intento di haya contacto cune, pa asina informa pueblo kico tur a sosode durante e session di interogacion.

- Advertisement -

DUNA COMENTARIO

Please enter your comment!
Please enter your name here