Home Politica Hacimento di politica na school dununman

Hacimento di politica na school dununman

2
0
SHARE
- Advertisement -

ORANJESTAD (AAN):— E Director di Stichting voor Verstandelijk Gehandicapten Aruba (SVGA) ta aclarea tocante polemica encuanto hacimento di politica na school Dununman.

E ultimo dianan ta sali diferente articulo tocante school Dununman den prensa. Tin informacion corecto y incorecto. E director ta spera cu e articulo aki lo trece claridad ariba e polemica aki.

SVGA ta un fundacion cu ta consisti di 6 departamento cu ta duna cuido. Di e 6 departamentonan aki 5 ta duna cuido y ta worde financia pa Ministerio di Bienestar Social. school Dununman ta worde financia pa Ministerio di Enseñansa.

Locual a sosode:

Tur aña pa maneha e financianan di e Fundacion, ta traha un pronostico di e maneho financiero pa e aña nobo, despues cu sera e relato financiero di e aña anterior. A constata cu e situacion di likidez a bay atras drasticamente, debi na:

1. Donacionnan a baha drasticamente; 2. Tur prijsnan a subi drasticamente; 3. Den aña 2008 a corta 10% riba e subsidio. A pidi tur hefe di departamento pa baha gasto. E trahador encarga cu e maneho na school Dununman a manda un comunicado pa e mayornan pidiendo cooperacion pa materialnan basico y a menciona e cortamento di subsidio. E comunicado a cay den man di un politico cu sin busca mas informacion a publica un articulo tur bruha.

E situacion actual:

Como cu school Dununman a haya mas alumno y no tin mas klas, Ministerio di Enseñansa a laga traha 2 klas nobo pa school Dununman. Den e ultimo cuartal e subsidio di school Dununman a subi. Pa locual ta e parti di e Bienestar Social, e Fundacion a ricibi un carta cu e subsidio a subi. Esaki ta e situacion pa e segundo parti di 2009.

Transporte di Arubabus N.V.:

E transporte di e alumnonan di school Dununman ta sosode pa Arubus N.V. E parti cu a worde para ta e parti di Bienestar Social. Ainda e caso ta andando den corte.

E organizacion SVGA:

SVGA ta un organizacion cu ta conoci pa ta traha pro-activo y profesional. Caminda falta algo SBGA ta haci uso di su propio fondonan cu e ta adkeri a base di donacion. Hamas SVGA lo usa su clientenan pa politica.

E organizacion ta bon conoci den comunidad y no ta desea pa worde usa politicamente. SVGA lo coopera cu cualkier partido politico cu kier haci cos positivo pa e organizacion, cu lo beneficia su cliente.

Finalmente mi kier pidi tur partido politico pa no hinca SVGA den e arena di campaña y si nan kier haci algo positivo pa e organizacion pa tuma contacto cu nos.

- Advertisement -

DUNA COMENTARIO

Please enter your comment!
Please enter your name here